Мөслим (ауыл, Силәбе өлкәһе)

Мөслим
	Ауыл
	Мөслим
Ил	Рәсәй
Федерация субъекты	Силәбе өлкәһе
Муниципаль район	Ҡоншаҡ
Ауыл биләмәһе	Мөслим
Координаталар	55°21′42″ с. ш. 61°22′23″ в. д.HGЯO
Халҡы	464 кеше (2010)
Милли состав	татарҙар, башҡорттар
Конфессиональ составы	мосолмандар
Телефон коды	+7 35148
Почта индексы	456730
Һанлы танытмалар
Автомобиль коды	-
Код ОКАТО	75 236 860 001
Код ОКТМО	75 636 450 101
Номер в ГКГН	0324795
	Картаны күрһәтергә/йәшерергә Мөслим Аудио, фото и видео Викимилектә

Был терминдың башҡа мәғәнәләре лә бар, ҡарағыҙ: Мөслим.

Мөслим (рус. Муслюмово) — Рәсәй Федерацияһы Силәбе өлкәһе Ҡоншаҡ районы ауылы. Мөслим ауыл биләмәһенең үҙәге.Халҡы күсерелеп бөтөп бара.

Географияһы

Ауыл аша радиактив ҡалдыҡтар менән зарарланған Тинес (Теча) йылғаһы аға. Район үҙәге Ҡоншаҡ ауылынан 12 км алыҫлыҡта урынлашҡан.Эргәһендә элек Туғаняҡ тип аталған Шуғуняҡ күле.

Тарихы

Мөслим – боронғо башҡорт ауылы. Мәғлүмәттәр бер иш кенә түгел. Ауыл 1730-се йылдарҙа барлыҡҡа килеүе билдәле. Кемдер ауылға нигеҙ һалыусы башҡорт старшинаһы Мөслим Әширов; кемдер шулай уҡ башҡорт старшинаһы Абдулмәннән Мөслимов; өсөнсөләр мишәр Мөслим Даушевтарҙан киткән тип һанай.^[1]

1919 йылдың июлендә Мөслим ауылы янында Силәбе операцияһы һуғыштарының береһе булған.

1949 йылдан Тинес йылғаһына Маяҡ химик комбинаты бер ниндәй контролһеҙ радиоактив ҡалдыҡтарын түгеп тора. Был комбинат Силәбе өлкәһенең Озёрск ҡалаһында ( ул саҡтағы Силәбе-40) йылғаның үр яғында урынлашҡан. Радиоактив бысраныуҙы 1957 йылдағы «Ҡыштым авария»һы тағы ла нығыраҡ хөртәйтеп ебәрә.

2000-се йылдарҙан йылғалағы радиоактив ултырмаларҙың ауыл кешеләренә йоғонтоһон кәметеү буйынса эштәр алып барыла.2009 йылдан кешеләрҙе «Яңы Мөслим ҡасабаһы»на күсерә башлайҙар. Уны Мөслим ҡасабаһын көнбайышындараҡ, йылға үҙәненән бер нисә км-ға арыраҡ төҙөйҙәр^[2]^[3]^[4]^[5].