Монасипов Миңлеғаффан Хәйрулла улы
Монасипов Миңлеғаффан Хәйрулла улы (1 декабрь 1929 йыл — 21 октябрь 1997 йыл) — СССР-ҙың нефтсе-быраусыһы. Ишембай быраулау эштәре идаралығы начальнигы. Хеҙмәт Ҡыҙыл Байраҡ (1977) һәм «Почёт Билдәһе» (1971) ордендары кавалеры.
| Монасипов Миңлеғаффан Хәйрулла улы | |
| Зат | ир-ат |
|---|---|
| Гражданлыҡ |
 СССР |
| Тыуған көнө | 1 декабрь 1929 |
| Вафат булған көнө | 21 октябрь 1997 (67 йәш) |
| Һөнәр төрө | Нефтсе (Ишембай) |
| Эш урыны | Ишембай быраулау эштәре идаралығы |
| Уҡыу йорто | ӨДНТУ |
| Маҡтаулы исемдәре һәм башҡа бүләктәре |
 |
Биографияһы
үҙгәртергәМиңлеғаффан Хәйрулла улы Монасипов 1929 йылдың 1 декабрендә Башҡорт АССР-ының Стәрлетамаҡ районы Бүреҡаҙған ауылында донъяға килгән.
1954 йылда тау инженеры һөнәре буйынса Өфө нефть институтын тамамлай.
1954—1966 йылдарҙа Иҫәнғол быраулау контораһында мастер булып эш башлай, һуңынан шул уҡ конторала участка начальгнигы, бүлек начальнигы вазифаһында эшләй. Артабан Ишембай быраулау контораһы бүлеге начальнигы итеп тәғәйенләнә. 1966—1972 йылдарҙа — Башюгнефтеразведка начальнигы вазифаһында; 1972 йылдан алып — Ишембай быраулау эштәре контораһының баш инженеры, һуңынан начальнигы була.
Ишембай быраулау эштәре идаралығында М. Монасипов эшләгән осорҙа яңы технологиялар практикаға индерелә, уның ҡатнашлығында скважиналарҙы алмаз бырауҙары менән быраулау, реактив-турбина бырауҙары менән ҙур диаметрлы үтә тәрән скважиналарҙың үрге интервалдарын быраулау, үтә тәрән скважиналарҙы үҙ-ара торба секциялары менән беркетеү индерелә.
1997 йылдың 20 октябрендә Ишембай ҡалаһында вафат була.
Хәтер
үҙгәртергәБашҡортостандың Ишембай ҡалаһында бер урам М. Монасипов исемен йөрөтә[1].
Маҡтаулы исемдәре һәм башҡа бүләктәре
үҙгәртергә- «Почет Билдәһе» ордены (1971)
- Хеҙмәт Ҡыҙыл Байраҡ ордены (1977)
- БАССР-ҙың атҡаҙанған нефтсеһе (1979)
- БАССР-ҙың почетлы нефтсеһе (1980)
- Миҙалдар
Әҙәбиәт
үҙгәртергә- Инженеры Урала: Энциклопедия / Рос. инженер. акад. Ур. отд-ние; [Редкол.: Данилов Н. И. гл. ред. и др.]. — Екатеринбург : Уральский рабочий, 2001. — 694, [1] с. : портр.; 27 см. С.373/
Иҫкәрмәләр
үҙгәртергә- ↑ Башкирская энциклопедия — Башкирская энциклопедия 2017 йыл 11 февраль архивланған.