Иҫке Теләнсе

Иҫке Теләнсе — Рәсәй Федерацияһы Татарстан Республикаһының Туҡай районындағы ауыл. Яңы Бүләк ауыл биләмәһе составына керә.

Ауыл
Иҫке Теләнсе татар. Иске Теләнче
Ил	РәсәйРәсәй
Федерация субъекты	Татарстан
Муниципаль район	Туҡай
Ауыл биләмәһе	Яңы Бүләк
Координаталар	55°28′ с. ш. 52°27′ в. д.
Беренсе мәртәбә телгә алынған	1703 йыл
Халҡы	92 кеше (2008)
Милли состав	татарҙар
Сәғәт бүлкәте	UTC+4
Почта индексы	423875
Һанлы танытмалар
Автомобиль коды	-
Код ОКАТО	922 578 920 04
Код ОКТМО	92 657 492 116
Иҫке Теләнсе

Географик урыны

Ауыл Яр Саллы—Сарман автомобиль юлы буйында, Яр Саллы ҡалаһынан көньяҡ-көнсығышҡа табан 39 км алыҫлыҡта урынлашҡан.

Тарихы

Иҫке Теләнсе — ҫарайлы-мең ырыуы башҡорттарының ауылы. 1703 йылдан билдәле. 11-се башҡорт кантоны, Ырымбур губернаһы Минзәлә өйәҙенең Ҫарайлы-Мең улусына ҡарай. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс, ауыл Нөркәй улусы составына керә.

ХХ быуат башында 3 тирмән (шул иҫәптән 2-һе — һыу тирмәне), 2 тимерлек, икмәк магазины, 8 бакалея һәм мануфактура кибеттәре, 2 мәсет, мәктәп теркәлгән.

1920 йылда ауыл Татар АССР-ының Минзәлә кантоны, 1921 йылдан — Саллы кантоны, 1930 йылдан — Минзәлә районы, 1935 йылдан — Ворошилов районы, 1957 йылдан — Яңы Юл районы, 1959 йылдан — Сарман районы, 1984 йылдан — Туҡай районы составына керә.

Халҡы

Йылдар буйынса халыҡ иҫәбе
(Сығанаҡ: )

1870	1897	1926	1938	1949	1958	1970	1979	1989	2002	2008
360	540	366	374	377	216	212	172	691	86	92

Инфраструктура

Игенселек, малсылыҡ үҫешкән. Ауылда башланғыс мәктәп, мәсет бар.