Исмәғил (Мәсетле районы)

Исмәғил (рус. Исмагилово) — элекке ауыл, Яңы Мишәр ауылының бер өлөшө. Башҡортостан Республикаһының Мәсетле районы Яңы Мишәр ауыл Советы биләмәһәнә тура килә. ХIX быуаттың беренсе яртыһында барлыҡҡа килгән, 1968 йылдың 31 октябрендә Башҡорт АССР-ы Юғары Советы Президиумының 6-2/180-се Указы менән Исмәғил ауылы Яңы Мишәр ауылына ҡушылған һәм рәсми исемлектән алынған.

Исмәғил
Дәүләт	Рәсәй империяһы
Административ-территориаль берәмек	Мәсетле районы һәм Яңы Мишәр ауыл Советы
Ғәмәлдән сыҡҡан дата	31 октябрь 1968

Географик урыны

Әй йылғаһы буйында урынлашҡан була. Район үҙәге Оло Ыҡтамаҡ ауылынан — 31 км, Сулея тимер юлы станцияһынан 85 км алыҫлыҡта ятҡан.

Тарихы

Исмәғил ауылы XIX быуаттың беренсе яртыһында Әй йылғаһы буйында дыуан ырыуы башҡорттары тарафынан үҙ аҫаба ерҙәрендә булдырылған. 1865 йылда Исмәғил ауылы булараҡ теркәлгән, әммә икенсе исеме лә күрһәтелгән (Быково). 1906 йылда Златоуст өйәҙе Дыуан-Мәсетле улусы составында торған. Совет осоронда (1920 йыл) Мәсәғүт кантоны Дыуан-Мәсетле улусы составында була, ә 1939 йылда Мишәр ауыл Советы биләмәһенә ҡасаба булараҡ ингән.

Халҡы

1865 йылда 14 йортта 73 кеше иҫәпкә алынған. 1906 йылда — 73 кеше, 1920 йылда — 145 кеше, 1939 йылда — 61 кеше, 1959 йылда 19 кеше теркәлгән. Енесе, милләте күрһәтелмәгән. 1959 йылдан һуң ауыл буйынса мәғлүмәт юҡ (ҡара: Мәсетле районы ауылдары исемлеге).

Шулай уҡ ҡарағыҙ

• Мәсетле районы ауылдары исемлеге
• Дыуан ырыуы

Һылтанмалар

• Мечетлинский район Республики Башкортостан: энциклопедия / Редкол.: Ю. Ю. Султанов (гл.ред.), Н. Ф. Ахкамова (сост.), Г. К. Бикташева (отв.ред.) и др. — Уфа: Мир печати, 2010. — 284 с.:илл. ISBN 978-5-9613-0148-9

Сығанаҡтар

• Административно-территориальное деление Башкирской АССР (на 1 июня 1952 г.). — Башкирское книжное издательство, Уфа, 1953. C.179