Дәүләкән аяҡ кейеме фабрикаһы
Дәүләкән аяҡ кейеме фабрикаһы (26 декабрь 1941 йыл) — Башҡортостан Республикаһының Дәүләкән ҡалаһында урынлашҡан. Ул Бөйөк Ватан һуғышы ваҡытында эвакуацияланған Харьков өлкәһе Волчанск аяҡ кейеме фабрикаһы нигеҙендә ойошторолған.
| Дәүләкән аяҡ кейеме фабрикаһы | |
| Нигеҙләү датаһы | 26 декабрь 1941 |
|---|---|
| Дәүләт |
 Рәсәй |
| Урын | Дәүләкән |
| Продукция | аяҡ-кейем[d] |
| Дата официального закрытия | 2010 |
 | |
Тарихы
үҙгәртергә1941 йылдың 3 октябрендә Харьков өлкәһе Волчанск ирҙәр,ҡатын-ҡыҙҙар, балалар аяҡ кейеме сығарған фабрика эштән туҡтай. Ҡалаға дошман өс-дүрт саҡрым алыҫлыҡта яҡынайған була. Хөкүмәт фабриканы алты цех йыһазы, дүрт мең биш йөҙ эшсеһе менән илдең төпкөл районына эвакуацияларға ҡарар сығара. Ауыр шарттарҙа Волчанск станцияһынан ҡаланың берҙән-бер сәнәғәт предприятиеһының эшселәре һәм техникаһы тейәлгән поезды оҙата алалар. Харьков эргәһендә вагондарҙы көнсығышҡа барған ҙур эшелонға тағалар. Юлда эшелон бер туҡтауһыҙ бомбаға эләгә.
1941 йылдың 6 ноябрендә Волчанск аяҡ кейеме фабрикаһы эшселәре һәм йыһаздары менән Дәүләкән станцияһына килеп туҡтай. Эшелон Дәүләкәндә оҙаҡ ваҡыт «тупикта» тора. Артабан ҡайҙа барасағын бер кем дә белмәй[1]
Дәүләкән ҡалаһының етәкселәре фабрика эшселәренә үҙҙәрендә ҡалырға тәҡдим яһай. Эшселәр был хәбәрҙе шатланып ҡабул итә.
Фабриканы элекке сауҙагәрҙәрҙең революцияға тиклем төҙөлгән сауҙа биналарына урынлаштыралар.
Үҙҙәре менән 18 машина: тегеү автоматы, пресс «Револцьён»,"Допель" (аяҡ кейеме табандары тегеү өсөн), «Фортуна», күн материалдар, фурнитуралар алып килгәндәр[1]
Фабриканың ҡоролмаларын урынлаштырыу өсөн эшселәр көн-төн эшләйҙәр. Бер ай ҙа үтмәй фабрика балалар аяҡ кейемен сығара башлай.
26 декабрь 1941 йылда ул 8 пар аяҡ кейеме тегә.Был көн фабриканың тыуған көнө булып иҫәпләнә,тик икенсе исем менән — Дәүләкән.
Был ваҡытта фабриканың директоры — Лев Борисович Зофман, производство начальнигы — Израиль Яковлевич Найдус, механик- Федор Афанасьевич Ольховский булған[1]
- 1960-1992 йылдарҙа «Башкиробувь» берекмәһе составына инә.
- 1966-1980 йылдарҙа «Башкиробувь» берекмәһенең иң яҡшы предприятиеһы булып килде.
- 1981 йылда РСФСР-ҙың еңел сәнәғәт министрлығы тарафынан Рәсәй Федерацияһының өлгөлө күрһәткесле предприятиеһы булып танылды.
- 1968-1985 йылдарҙа Дәүләкән аяҡ кейеме фабрикаһы директоры — Башҡорт АССР-ының атҡаҙанған туҡыу һәм еңел сәнәғәт хеҙмәткәре Рамаева Нина Пантелеевна.
Был йылдарҙа фабрика етештергән балалар аяҡ кейемен Куба, Монголия,Польша,Чехословакия илдәре һатып ала.
Компания «Дәүләкән аяҡ кейеме фабрикаһы» («ДОФА»)
үҙгәртергәРәсәйҙең балалар аяҡ кейеме етештереүсе алдынғы компанияһы. Уның продукцияһы экологик яҡтан таҙа материалдан эшләнә.Матурлығы, барлыҡ талаптарға тура килеп етештерелеүе менән ил баҙарында лайыҡлы урын биләй[2]
- Директоры — Светлана Нәжим ҡыҙы Хәлиуллина, Башҡортостан Республикаһының атҡаҙанған туҡыу һәм еңел сәнәғәт хеҙмәткәре (2019)
- 2010 йылда фабрика ябыла.
Шулай уҡ ҡарағыҙ
үҙгәртергәИҫкәрмәләр
үҙгәртергәҺылтанмалар
үҙгәртергә- Дәүләкән аяҡ кейеме фабрикаһы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.