Бөйөргән

Бөйөргән — Рәсәй Федерацияһы Татарстан Республикаһының Туҡай районындағы ауыл. Бөйөргән ауыл биләмәһенең административ үҙәге.

Ауыл
Бөйөргән татар. Боерган
Ил	РәсәйРәсәй
Федерация субъекты	Татарстан
Муниципаль район	Туҡай
Ауыл биләмәһе	Бөйөргән
Координаталар	55°50′ с. ш. 52°47′ в. д.
Беренсе мәртәбә телгә алынған	1714 йыл
Халҡы	461 кеше (2000)
Милли состав	татарҙар
Сәғәт бүлкәте	UTC+4
Почта индексы	423889
Һанлы танытмалар
Автомобиль коды	-
Код ОКАТО	922 578 260 01
Код ОКТМО	92 657 426 101
Номер в ГКГН	0142674
Бөйөргән

Географик урыны

Ауыл Түбәнге Кама һыуһаҡлағысы буйында, Яр Саллы ҡалаһынан төньяҡ-көнсығыштараҡ 37 км алыҫлыҡта урынлашҡан.

Тарихы

Бөйөргән — байлар ырыуы башҡорттарының ауылы. 1714 йылдан билдәле. Ырымбур губернаһы Минзәлә өйәҙенә Байлар улусы Турай түбәһенә ҡарай. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс, ауыл Күсәкәй улусы составына керә.

ХХ быуат башында ауылда мәсет, мәктәп, почта станцияһы, һыу тирмәне, икмәк магазины, 2 бакалея кибете теркәлгән.

1920 йылда ауыл Татар АССР-ының Минзәлә кантоны, 1930 йылдан — Минзәлә районы, 1984 йылдан — Туҡай районы составына инә.

1931 йылда ауылда «Үрнәк» колхозы ойошторола, 1950 йылда ул «Кама» колхозы менән берләштерелә.

Халҡы

1912 йылда —434 татар һәм 146 башҡорт йәшәй.

Йылдар буйынса халыҡ иҫәбе
(Сығанаҡ: )

1859	1870	1884	1896	1906	1913	1920	1926	1938	1959	1970	1979	1989	2000
351	325	433	399	573	580	597	342	391	289	350	529	506	461

Инфраструктура

Ауылда урта мәктәп, мәҙәниәт йорто, китапхана, мәсет бар. Игенселек, малсылыҡ үҫешкән.