Бәширов Фазылйән Бәшир улы

Бәширов Фазылйән Бәшир (Дәүләтхан) улы (рус. Баширов Фазыльян Баширович (Давлетханович); 20 апрель 1923 йыл — 22 ғинуар 1943 йыл) — Бөйөк Ватан һуғышында ҡатнашыусы, ҡыҙылармеец. 112-се Башҡорт кавалерия дивизияһы 294-се кавалерия полкы яугиры. I дәрәжә Ватан һуғышы ордены (1943) кавалеры.

Бәширов Фазылйән Бәшир улы
Зат	ир-ат
Гражданлыҡ	Совет Рәсәйе  СССР
Тыуған көнө	20 апрель 1923({{padleft:1923|4|0}}-{{padleft:4|2|0}}-{{padleft:20|2|0}})
Тыуған урыны	Яңы Мөслим ауылы, Яңы Мөслим ауыл Советы, Мәсетле районы
Вафат булған көнө	22 ғинуар 1943({{padleft:1943|4|0}}-{{padleft:1|2|0}}-{{padleft:22|2|0}}) (19 йәш)
Ерләнгән урыны	Белая Калитва
Хәрби звание	рядовой
Һуғыш/алыш	Бөйөк Ватан һуғышы
Ғәскәр төрө	кавалерия[d]
Маҡтаулы исемдәре һәм башҡа бүләктәре
Юғалтыуҙың хәрби классификацияһы	яуҙа һәләк була[d]

Биографияһы

Фазылйән Бәшир улы Бәширов 1923 йылдың 20 апрелендә Башҡорт АССР-ының Мәсетле районы Яңы Мөслим ауылында тыуған. Ҡыҙыл Армия сафына 1942 йылдың июнь айында БАССР-ҙың Мәсетле районы хәрби комиссариаты тарафынан алына. 1943 йылдың 14 ғинуарынан 112-се Башҡорт кавалерия дивизияһында хеҙмәт итә, 294-се кавалерия полкының 1-се эскадроны ҡылыссыһы була. Лейтенант Атаев етәкселеге аҫтында 30 совет яугиры, шул иҫәптән Фазылйән Бәширов, 21 һәм 22 ғинуарҙа совет ғәскәрҙәре өсөн мөһим тактик рубежына әйләнгән 79,9 м бейеклеккә фашистарҙы ебәрмәү өсөн бөтә көсөн һәм таһиллығын һала. Ике көн эсендә 30 яугир 300 фашисты, 3 танкыны һәм бер бронемашинаны юҡ итә. Өҙлөкһөҙ контратакаларҙың береһендә рядовой Бәширов һәләк була. Батырлығы өсөн I дәрәжә Ватан һуғышы ордены менән бүләкләнә (үлгәндән һуң). Ростов өлкәһе Белая калитва ҡалаһында 4-се мәктәп янындағы туғандар ҡәберлегендә ерләнгән.

Маҡтаулы исемдәре һәм башҡа бүләктәре

• I дәрәжә Ватан һуғышы ордены (1943)

Шулай уҡ ҡарағыҙ

• Атаев Анаклыч

Һылтанмалар

• БАШИРОВ Фазылян (Фазыльян) Баширович. Шаймуратовцы (рус.) (Тикшерелеү көнө: 8 июль 2021)
• Память народа. Баширов Фазылян Баширович (рус.) (Тикшерелеү көнө: 8 июль 2021)