Бикмөхәмәтов Роберт Ғата улы
Бикмөхәмәтов Роберт Ғата улы (11 ғинуар 1929 йыл — 28 август 1995 йыл) — әҙәбиәт белгесе, юғары мәктәп уҡытыусыһы, журналист. Филология фәндәре докторы (1983), профессор (1987). Башҡорт АССР-ының атҡаҙанған фән эшмәкәре (1989).
| Бикмөхәмәтов Роберт Ғата улы | |
| Тыуған көнө | |
|---|---|
| Тыуған урыны |
Башҡорт АССР-ы Бөрө кантоны [1] Илеш ауылы |
| Вафат көнө | |
| Вафат урыны | |
| Ил | |
| Эшләгән урыны | |
| Альма-матер |
Ҡазан дәүләт университеты |
| Ғилми дәрәжәһе |
филология фәндәре докторы (1983) |
| Ғилми исеме |
профессор (1987) |
Биографияһы
үҙгәртергәРоберт Ғата улы Бикмөхәмәтов 1929 йылдың 11 ғинуарында БАССР-ҙың Бөрө кантоны Илеш ауылында[1] тыуған.
1952 йылда Ҡазан дәүләт университеты тамамлай.
1956 йылдан алып СССР Фәндәр Академияһының М. Горький исемендәге Донъя әҙәбиәте институтында (Мәскәү) эшләй.
1960 йылдан — «Дружба народов» журналы баш мөхәррир урынбаҫары.
1962 йылдан алып — Мәскәү дәүләт университеты уҡытыусыһы, әҙәбиәт тарихы кафедраһының сектор мөдире.
1995 йылда Мәскәүҙә вафат була.
Ғилми эшмәкәрлеге
үҙгәртергәФәнни хеҙмәттәре Рәсәй халыҡтары милли әҙәбиәттәренең бер-береһенә йоғонтоһо, әҙәбиәт теорияһы, әҙәбиәт ғилеменең методологияһына арналған. Ғабдулла Туҡай, Ғәлимйән Ибраһимов, Муса Йәлил тормошо һәм ижадына арналған монографиялар; Мәжит Ғафури, Мостай Кәрим, Сәйфи Ҡудаш, Назар Нәжми, Ким Әхмәтйәнов һ. б. ижадына арналған мәҡәләләр авторы. Роберт Бикмөхәмәтов хеҙмәттәре инглиз, немец, поляк телдәренә тәржемә ителгән.
Хеҙмәттәре
үҙгәртергә- Орбиты взаимодействия. — М., 1983.
Маҡтаулы исемдәре
үҙгәртергә- БАССР-ҙың атҡаҙанған фән эшмәкәре (1989).
Иҫкәрмәләр
үҙгәртергә- ↑ 1,0 1,1 Хәҙерге Башҡортостан Республикаһының Илеш районы
Сығанаҡтар
үҙгәртергәБикмөхәмәтов Роберт Ғата улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.