Аҡөбәков Мәһәҙей Аллағол улы

Аҡөбәков Мәһәҙей Аллағол улы (рус. Акубаков Магадий Аллагулович; 1913 — ?) — 112-се Башҡорт кавалерия дивизияһының 313-сө кавалерия полкының танкыға ҡаршы мылтыҡ расчёты командиры. Сержант.

Аҡөбәков Мәһәҙей Аллағол улы
Зат	ир-ат
Гражданлыҡ	Рәсәй империяһы  СССР
Тыуған көнө	1913
Тыуған урыны	Йәлембәт ауылы, Стәрлебаш районы
Һөнәр төрө	яугир
Хәрби звание	Сержант
Һуғыш/алыш	Бөйөк Ватан һуғышы
Ғәскәр төрө	кавалерия[d]
Маҡтаулы исемдәре һәм башҡа бүләктәре

Биографияһы

Мәһәҙей Аллағол улы Аҡубаев 1913 йылда Ырымбур губернаһы Ырымбур өйәҙе (хәҙер — Башҡортостан Республикаһының Стәрлебаш районы) Йәлембәт ауылында тыуған.

Стәрлебаш районы хәрби комиссариаты тарафынан Эшсе-Крәҫтиән Ҡыҙыл Армияһы сафына саҡырыла.

Сержант Аҡубаев Мәһәҙей Аллағол улы Көньяҡ-Көнбайыш фронтында һуғышҡан 112-се Башҡорт кавалерия дивизияһының 313-сө кавалелерия полкының танкыға ҡаршы мылтыҡ расчёты командиры булып хеҙмәт итә.

1942 йылдың 21 ноябрендә барған алыштарҙа, үҙенең ПТР-ынан ут асып, дошмандың станковый пулемётын ҡырҙы, ә 23 ноябрҙә ҡылыссылар менән һөжүм иткәндә, өс немецты винтовканан атып үлтерҙе. 1942 йылдың 6 декабрендә оборонала дошмандың тағы ике һалдатын юҡ итте.

Маҡтаулы исемдәре һәм башҡа бүләктәре

• «Батырлыҡ өсөн» миҙалы (1942)

Хәтер

Аҡубаев Мәһәҙей Аллағол улының исеме Башҡортостанда нәшер ителгән баҫмаларҙа һәм БР-ҙың Стәрлебаш районы Йәлембәт ауылында Бөйөк Ватан һуғышында ҡатнашыусылар хөрмәтенә ҡуйылған һәйкәлдәге исемлеккә индерелгән

Сығанаҡтар

• ЦАМО. Фонд 33. Опись 686044. Единица хранения 4305.

Һылтанмалар

• Шаймуратовцы. Акубаков Магадий Аллагулович (рус.) (Тикшерелеү көнө: 24 июль 2021)
• Память народа. Акубаков Магадий Аллагулович (рус.) (Тикшерелеү көнө: 24 июль 2021)
• Дорога памяти. Акубаков Магадий 2021 йыл 24 июнь архивланған.
• РГБ: Они вернулись с победой. Стерлибашевский район, т. 10, 2004 ISBN 5-295-03459-3