Аралбаева Әминә Кәшфи ҡыҙы
Аралбаева Әминә Кәшфи ҡыҙы (22 май 1928 йыл — 27 октябрь 2014 йыл) — башҡорт актёры, театр белгесе. 1950 йылдан СССР Театр эшмәкәрҙәре союзы ағзаһы. Башҡортостан Республикаһының атҡаҙанған сәнғәт эшмәкәре (1999).
| Аралбаева Әминә Кәшфи ҡыҙы | |
| Файл:AralbaevaA1.jpg | |
| Тыуған ваҡыты: | |
|---|---|
| Тыуған урыны: |
СССР, РСФСР, Башҡорт АССР-ы, Өфө кантоны, Күлләр ауылы |
| Вафат ваҡыты: |
27 октябрь 2014 (86 йәш) |
| Вафат урыны: | |
| Һөнәре: |
актёр, тәржемәсе, театр сәнғәте белгесе |
| Гражданлығы: | |
| Театр: | |
Биографияһы үҙгәртергә
Әминә Кәшфи ҡыҙы Аралбаева 1928 йылдың 22 майында Башҡорт АССР‑ының Өфө кантоны[1]Күлләр ауылында тыуған.
1950 йылдан — Ауырғазы колхоз-совхоз театры (1956 йылда Салауат драма театры итеп үҙгәртелә) актёры. 1956 йылда Театр сәнғәте дәүләт институтын тамамлай (П. А. Марков курсы), Башҡортостанда беренсе театр белгесе була[2].
1956—1982 йылдарҙа Башҡорт дәүләт академия драма театрының әҙәби бүлеге мөдире, театрҙың репертуар сәйәсәтен эшләүҙә, актёрҙарҙың һәм режиссерҙарҙың ижад кисәләрен ойоштороусы.
Ижады үҙгәртергә
Башҡорт теленә В. В. Лаврентьевтың, В. П. Минконың, А. Н. Островскийҙың пьесаларын тәржемә итә. Театр, башҡорт актёрҙары һәм режиссёрҙарының ижады тураһында мәҡәләләр авторы.
Ғаиләһе үҙгәртергә
Ире — Иван Владимирович Сотников (1908—1988) — яҙыусы, тәржемәсе, СССР Яҙыусылар союзы ағзаһы.
- ҡыҙы Гөлназ (1967 йылғы) — эшҡыуар, йәмәғәт эшмәкәре.
Иҫкәрмәләр үҙгәртергә
- ↑ хәҙер Башҡортостан Республикаһы Ҡырмыҫҡалы районы
- ↑ Морозова А. Из жизни ушла Амина Аралбаева (рус.). Уфимские Вести (28 октября 2014).
Һылтанмалар үҙгәртергә
- Аралбаева Амина Кашфиевна. Энциклопедия Башкортостана.
- Аралбаева Л. Ушла из жизни известный театровед Амина Аралбаева. ИА «Башинформ» (27 октябрь 2014). Дата обращения: 27 ғинуар 2015.