Аллабирҙин Зәки Латип улы
Аллабирҙин Зәки Латип улы (1922 йыл — 13 ноябрь 1943 йыл) — Бөйөк Ватан һуғышында ҡатнашыусы, гвардия рядовойы. 112-се Башҡорт кавалерия дивизияһы яугиры, дивизияның 148-cе артиллерия-миномет полкы повозочныйы[1].
| Аллабирҙин Зәки Латип улы | |
| Зат | ир-ат |
|---|---|
| Гражданлыҡ |
.svg){kind=small} Совет Рәсәйе.svg){kind=small} СССР |
| Тыуған көнө | 1922 |
| Тыуған урыны | Иҫке Сибай ауылы |
| Вафат булған көнө | 13 ноябрь 1943 |
| Вафат булған урыны | Малодуша[d], Новобарсук ауыл Советы[d], Речица районы[d], Гомель өлкәһе, Белорус Совет Социалистик Республикаһы, СССР |
| Һөнәр төрө | |
| Хәрби звание | рядовой |
| Һуғыш/алыш | Бөйөк Ватан һуғышы |
Биографияһы
үҙгәртергәЗәки Латип улы Аллабирҙин 1922 йылда БАССР-ҙың Йылайыр кантоны (хәҙер Башҡортостандың Баймаҡ районы) Иҫке Сибай ауылында тыуған. БАССР-ҙың Баймаҡ районы хәрби комиссариаты тарафынан Ҡыҙыл Армияға саҡырылған (алынған датаһы билдәһеҙ[1]). ВЛКСМ ағзаһы була. Данлыҡлы 112-се Башҡорт кавалерия дивизияһында 148-cе гвардия артиллерия-миномет полкында повозочный булып хеҙмәт итә.
Кавалерия дивизияһында повозочный (гужевик) итеп, ғәҙәттә, малды ҡарай белгән, сабыр, түҙемле ауыл кешеләрен ҡуйғандар. Һуғыш ваҡытында повозочныйҙарға төрлө ауыр, әммә бик кәрәкле көндәлек эштәр ҡушылған: алғы һыҙыҡҡа боеприпастар һәм яғыулыҡ еткереү, яраланған һалдаттарҙы тылға сығарыу, хәрби частарҙы аҙыҡ-түлек менән тәьмин итеү, төҙөлөш материалдарын, орудиеларҙы урындан-урынға күсереү һәм башҡа эштәр йөкмәтелгән[2]. Ҡышҡы сатнама һыуыҡта, йәйге түҙмәҫлек эҫелә, бигерәк тә яҙғы йәки көҙгө ямғырлы көндәрҙәге ауыр шарттарҙа повозочныйҙар хеҙмәтенән алыш уңышы ла торған.
Зәки Аллабирҙин 1943 йылдың 13 ноябрендә Белоруссияның Гомель өлкәһе Василевич районы Малодуша (Волкошановка) ауылы тирәһендәге ҡаты алыш барышында һәләк була. Шул ауылда ерләнгән[1].
Атаһы Фәсхетдинов Латип тип күрһәтелгән, Иҫке Сибай ауылында йәшәгән[3].
Иҫкәрмәләр
үҙгәртергәҺылтанмалар
үҙгәртергә- Аллабердин Заки Латыпович. Шаймуратовцы (рус.) (Тикшерелеү көнө: 7 июль 2021)
- 112 (16)-я Башкирская гвардейская кавдивизия 2021 йыл 13 июнь архивланған.
- Аллабердин Заки Латыпович 2021 йыл 9 июль архивланған. (рус.) (Тикшерелеү көнө: 7 июль 2021)
| «Башҡорт атлы дивизияһы» порталы |
