Википедия

M-KOPA

M-KOPA[2] (суахили телендә kopa — үтескә алыу) — Африкалағыбер нисә илдә эшләүсе компания, «pay-as-you-go» (PAYG) моделен[3]  уйлап тапҡан һәм тормошҡа ашыра, был яңылыҡ бик түбән килемле  йорт хужалыҡтарына ҡояш энергияһын файҙаланыу  системаһын һата[1][4][5][6].

M-KOPA
Нигеҙләнгән

2011

Нигеҙләүсе

Ник Хьюз (ингл. Nick Hughes), Джесси Мур (ингл. Jesse Moore) и другие.

Уранлашыуы

Найроби (Кения), Дар-эс-Салам (Энтеббе), (Уганда)

Төп фигуралар

Джесси Мур (ингл. Jesse Moore)

Тармаҡ

Күмәртә сауҙа

Продукция

Ҡояш энергияһын файҙаланыу системаһы

Хеҙмәткәрҙәр һаны

300 (2014[1])

Сайт

http://www.m-kopa.com/

Шаблон: просмотр • обсуждение • править

Компания мохтажлыҡта йәшәгән кешеләргә энергия  тотоноу һәм кәрәсин лампаһынан ҡотолоу мөмкинлеген биреү маҡсатын ҡуя[5].

Ойошторолоуы

үҙгәртергә

 2010 йыл буйы барған һынауҙар уңышлы тамамланғас, 2011 йылда Кенияла бер нисә кеше ҡатнашлығында  M-KOPA ойошторола, был кешеләрҙең ҡайһы берҙәре быға тиклем  M-Pesa мобиль түләүҙәр системаһын эшләүҙә ҡатнаша[1][4]. Улар араһында — Ник Хьюз (ингл. Nick Hughes), Джесси Мур (ингл. Jesse Moore) һәм башҡалар.

Компанияның идарасы директоры —  Джесси Мур (ингл. Jesse Moore)[4][7].

M-KOPA LLC'тың штаб-фатиры Кенияла Найроби ҡалаһында урынлашҡан[4]. Компанияның бүлендек ойошмалары ла бар: Танзанияла (Дар-әс-Сәләм) —  M-KOPA Solar Tanzania Limited һәм  Угандала (Энтеббе) — M-KOPA Uganda.

2014 йылға  компанияла 300 хеҙмәткәр эшләй[1]. Бынан тыш M-KOPA  700 бойондороҡһоҙ эшҡыуар һәм магазин хужаһы менән хеҙмәттәшлек итә[1].

Компания  инвестициялар теҙмәһен үткәрә, атап әйткәндә Acumen[6], Gray Ghost Ventures һәм Royal Dutch Shell (Foundation[ Shell Foundation]) уның акционеры булып тора[1][4].

M-KOPA шулай уҡ  Билл һәм Мелинда Гейтстар фондынан  һәм Бөйөк Британияның халыҡ-ара үҫеш министрлығынан кире ҡайтарылмай торған гранттар ала[1].

Эшмәкәрлеге

үҙгәртергә

Тәүшарттар

үҙгәртергә

2014 йылға  Кениялағы йорт хужалыҡтарының 80 %-ы самаһы[8] (уларҙа 44 миллионлап кеше йәшәй) электр селтәрҙәренә тоташмаған, һәм өйҙө яҡтыртыу өсөн кәрәсин ҡулланыла[4][9][10][10][11].

Селтәрле электрҙан баш тартыу сәбәбе — уның, шул иҫәптән уға тоташыуҙың, ҡиммәтлеге[4]. Селтәргә тоташыу өсөн кәм тигәндә  35 000 [ шиллинг ](яҡынса 412 АҠШ доллары) түләргә кәрәк[4][11].

Ә йән башына тура килгән йыллыҡ килем дәүмәле Кенияла 820 АҠШ доллары тәшкил итә[4].

Ғаилә килеменең 30 %-ынан ашыуы кәрәсин алыуға китә[9].

Түбән килемдәр һәм үҫешмәгән инфраструктура кениҙарҙы ҡулаҡсаһыҙ финанс  әйләнешендә ҡатнашыуҙан да мәхрүмә итә. Ҡайһы бер баһалар буйынса, ил граждандарының  33%-ы банк секторы менән солғанмаған,  һаҡлыҡҡа аҡса һалыу иҫәптәре, кредит  карталары, кредиттар һәм хатта ҡулаҡсаһыҙ хисаплашыу менән файҙаланыуҙан мәхрүм[4].

Иҡтисади проблемаларҙан тыш, фәҡир кениҙар сәләмәтлеген хәүеф аҫтына ҡуя. Бөтә донъя һаулыҡ һаҡлау ойошмаһы мәғлүмәттәре буйынса, кәрәсин лампаларын ҡулланыусы көнөнә ике ҡап тәмәке төтөнөнә бәрәбәр зарарлы матдәләр һулай[4][9].

Система

үҙгәртергә

  M-KOPA'ның төп продукты — D.light Design тарафынан эшләнгән һәм етештерелгән ҡояш электрификацияһы системаһы —  ҡыйыҡҡа ҡуйыла торған  4 ватлы ҡояш панеленән, мобиль элемтә функционалы булған идара итеү блогынан (ул стенаға беркетелә), өс лампанан һәм кеҫә телефоны өсөн зарядлау ҡоролмаһынан тора[4][6][10][12].

Бындай  системаның хаҡы 16 900 шиллинг (199 АҠШ доллары самаһы) тора, Кенияла күптәрҙең уны һатып алырға көсө етмәй[4].

Төп комплекттан тыш, компания киңәйтелгән комплектты тәҡдим итә, уға тағы портатив фонарь менән радиоалғыс инә[10].

Йорт хужалыҡтарына тәҡдим ителгән система даими камиллаштырыла һәм  2015 йылда өсөнсө йыйылма барлыҡҡа килде[5].

Бизнес-сиселеш

үҙгәртергә

  M-KOPA компанияһы үҙенең продукты өсөн түләүҙе кисектереүҙең үҙенсәлекле юлын тапты, ул «pay-as-you-go» (PAYG — «файҙаланылған өсөн түлә») тип атала[4][13].

Договор буйынса тәүге түләү 2 500 шиллинг  (29 АҠШ доллары самаһы) тәшкил итә, артабан һатып алыусы системаның хаҡы ҡапланғансы  йыл буйына көн һайын 40 шиллинг  (40-50 АҠШ центы) түләй[4][10].

Артабан системаны файҙаланыу өсөн түләү юҡ[4][5].

Бизнес-модель параметрҙары түләүҙәр йорт хужалыҡтарының электр энергияһына ағымдағы ихтыяжын ҡапларлыҡ һәм көн һайын кәрәсин алыуға киткән аҡса күләменә торошло булырлыҡ  итеп төҙөлгән[4]. Хатта кәрәсин сығымдары ошо схема буйынса түләүҙәрҙән артығыраҡ та була[1][4]. Һөҙөмтәлә йорт хужалығы бер аҙ аҡсаһын янда ла ҡалдыра ала[1][4]. Өҫтәүенә, был схеманың хаҡына кешеләрҙең электрлы ергә барып, кеҫә телефонын зарядлап алыуына киткән сығымдар ҙа индерелмәгән[4]. Шуны ла ҡушып һанаһаң, экономия тағы ла күберәк булып сыға[4].

Һатылыусы системаның идара итеү блогы  ситтән тороп контролләү һәм электр энергияһы биреүҙе көйләү мөмкинлеген дә индерә, был  M-KOPA'ның түләүҙәрҙең индерелмәүе ихтималлығына бәйле хәүефен кәметә[4][5]. Шулай итеп, аҡсаң булмағанда системаны файҙаланмай торорға, аҡсаң булғас, ҡабат тотона башларға мөмкин (мәҫәлән, һәйбәт уңыш йыйып алғас)[9].

Түләүҙе кисектереүгә инновациялы ҡараштан тыш M-KOPA үҙ-ара хисаплашыуҙарҙа ла алдынғы ысулды ҡуллана. M-KOPA түләүҙәре [ Vodafone]'дың Африкалағы бүлендеге, мобиль элемтә операторы Safaricom тарафынан хеҙмәтләндерелә, уның Кенияла ғына ла 15,1 миллион клиенты бар[1][4][12]. Селтәрҙе ҡулланыусылар өсөн оператор M-Pesa системаһын эшләгән, ул банк операцияларын гаджет ярҙамында иҫәп асып тормайынса башҡарыу мөмкинлеген бирә[4]. Ҡайһы бер мәғлүмәттәр буйынса, был мобиль түләүҙәр системаһы менән  кениҙарҙың 95 %-ы файҙалана һәм уның аша йыл һайын илдең тулайым эске продуктының өстән бер өлөшө самаһы үтә[1].

M-KOPA сифатлы маркетинг системаһы булған продукт тәҡдим итеп кенә ҡалмай, клиенттарҙы хеҙмәтләндереүгә лә заманса ҡараш индерә. Мәҫәлән, компанияла 24 сәғәт эшләй торған  колл-үҙәк асҡандар, ул 100 хеҙмәткәр тота[1].

Конкуренттар

үҙгәртергә

Хәҙер M-KOPA ҡояш батареялары һатҡанда  PAYG принцибын ҡулланыусы берҙән-бер компания түгел, ләкин нәҡ ул бик юғары һөҙөмтәләргә өлгәшә алды[9]. Сағыштырыу өсөн: 2013  йылдың  ноябрендә  M-KOPA'ның  31 мең клиенты булғанда, Англияның Кембридж ҡалаһынан Azuri Technologies Ltd.  21 000-гә етергә планлаштыра ғына ине, ә Сан-Францисконан  AngazaDesign 12 айҙа 10 000 книент йыйырға йыйына ине[9].

Эшмәкәрлек күрһәткестәре

үҙгәртергә

2014 йыл башына компания 18 ай эсендә 65 000 самаһы ҡояш батареяһы һата (аҙнаһына уртаса 1000-де йәки айына 5000-де)[1].

2015 йылға  M-KOPA 150 000-дән ашыу берәмек система һатҡан[11][14].

Баһалар

үҙгәртергә

2014 йылда M-KOPA  Bloomberg агентствоһы тарафынан «Яңы энергия пионеры» (ингл. New Energy Pioneer) тип аталды[7][12].

2015 йылда M-KOPA  Zayed Future Energy Award премияһына лайыҡ булды  (1,5 миллион доллар)[14].

M-KOPA социаль эшҡыуарлыҡта технология рычагтарын уңышлы ҡулланыу миҫалы итеп килтерелә[15][16].

Иҫкәрмәләр

үҙгәртергә
  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 Katie Fehrenbacher.
  2. ↑ Также M-KOPA Solar.
  3. ↑ Шулай уҡ ҡарағыҙ #Бизнес-сиселеш.
  4. ↑ 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 4,13 4,14 4,15 4,16 4,17 4,18 4,19 4,20 4,21 4,22 4,23 Sarah McGregor.
  5. ↑ 5,0 5,1 5,2 5,3 5,4 Anmar Frangoul.
  6. ↑ 6,0 6,1 6,2 M-KOPA 2015 йыл 21 май архивланған. (англ.
  7. ↑ 7,0 7,1 Jesse Moore 2016 йыл 4 март архивланған. (англ.). Фонд Сколла. Проверено 21 мая 2015.
  8. ↑ 3-5 млн, по разным оценкам
  9. ↑ 9,0 9,1 9,2 9,3 9,4 9,5 David Wogan.
  10. ↑ 10,0 10,1 10,2 10,3 10,4 Andy Volk.
  11. ↑ 11,0 11,1 11,2 Virtual weather vanes in Kenya 2015 йыл 20 май архивланған. (англ.
  12. ↑ 12,0 12,1 12,2 M-KOPA Solar scoops Bloomberg New Energy finance award (англ.). capitalfm.co.ke (8 April 2014). Проверено 21 мая 2015.
  13. ↑ Форма «pay-per-use».
  14. ↑ 14,0 14,1 M-KOPA Win Energy Prize 2016 йыл 5 март архивланған. (англ.
  15. ↑ Scaling Up: Catalyzing the Social Enterprise 2015 йыл 21 май архивланған. (англ.
  16. ↑ Silicon Savanna, Solar Panels and M-Kopa (англ.

Һылтанмалар

үҙгәртергә
«https://ba.wikipedia.org/w/index.php?title=M-KOPA&oldid=1278404» битенән алынған