Әхмәров Хәсән Нурый улы

	Хасан Нуриевич Ахмеров
	Хәсән Нурый улы Әхмәров
Тыуған ваҡыты	1866
Тыуған урыны	Ырымбур
Үлгән ваҡыты	билдәһеҙ
Вафат урыны	билдәһеҙ
Хеҙмәт иткән урыны	Рәсәй империяһы
Хеҙмәт итеү йылдары	? — 1917; 1919 — 1920
Хәрби звание	полковник
Хәрби алыш/һуғыш	Беренсе донъя һуғышы,; Рәсәйҙә Граждандар һуғышы

Википедияла Әхмәров фамилиялы башҡа кешеләр тураһында мәҡәләләр бар.

Әхмәров Хәсән Нурый улы (1866—?) — хәрби эшмәкәр, Рәсәйҙәге Граждандар һуғышы һәм Башҡорт милли хәрәкәтенда ҡатнашыусы.

Биографияһы үҙгәртергә

Әхмәров Хәсән Нурый улы 1866 йылда Ырымбур ҡалаһында тыуған.

Ырымбурҙа Неплюев кадет корпусын, унан һуң — хәрби училищеһын тамамлаған.

Һуңынан рус армияһында хеҙмәт иткән. Полковник званиеһына лайыҡ булған. 1917 йылға тиклем Беренсе донъя һуғышында ҡатнашҡан.

1918 йылдан алып Үҫәргән кантонында Башҡорт хөкүмәтенең вәкиле булып эшләгән.

1919 йылдан — Эшсе-крәҫтиәндәр Ҡыҙыл армияһының (РККА) Көнсығыш фронты Көньяҡ төркөмө армиялары штабы янындағы <ашҡортостан Хәрби-революцион комитетының хәрби бүлеге буйынса вәкил урынбаҫары.

1919-1920 йылдарҙа Ҡыҙыл Армия сафтарында хеҙмәт итә. 49-сы Себер уҡсылар полкы командиры була. Автономиялы Башҡорт Совет Республикаһының хәрби эштәр буйынса халыҡ комиссариатының тәьмин итеү бүлеге начальнигы ярҙамсыһы итеп тәғәйенләнә.

1919 йылдың июненән Бәләбәй ҡалаһында РККА-ның айырым Башҡорт уҡсылар бригадаһы частарын булдырыу менән шөғөлләнә. Ә шул уҡ йылдың авгусынан алып Башҡорт айырым уҡсылар бригадаһы командиры итеп тәғәйенләнә.

1919 йылдың октябрь — ноябрь айҙарында Петроградты обороналауҙа ҡатнаша. Аҡтарҙың генерал Н. И. Юденич етәкселендәге Төньяҡ - Көнбайыш армияһын тар-мар итеүҙә ҡатнаша.

1920 йылдың февраленән алып октябргә тиклем — Автономиялы Башҡорт Совет Республикаһының запас ғәскәрҙәре идаралығы начальнигы була. Шул уҡ ваҡытта Әхмәров Хәсән Нурый улы башҡорт ғәскәрҙәренең ойоштороуы һәм фронтҡа ебәреүе менән етәкселек иткән.

Уның артабанғы яҙмышы билдәһеҙ.

Әҙәбиәт үҙгәртергә

Ярмуллин А. Ш. Автономиялы Башҡортостан байрағы аҫтында. Өфө, 2009. (башк.) Таймасов Р. С. Участие башкир в Гражданской войне: книга первая. В лагере контрреволюции (1918 — февраль 1919 гг.): Монография.- Уфа:РИЦ БашГУ, 2009. - 200 с.

Иҫкәрмәләр үҙгәртергә

Һылтанмалар үҙгәртергә

Башҡорт энциклопедияһында мәҡәлә(недоступная ссылка)