Һигеҙмөйөшлөк

Һигеҙмөйөшлөк (рус. восьмерик) — архитектурала Һигеҙ ҡырлы йәки һигеҙ мөйөшлө ҡоролма йәки уның бер өлөшө.

Һигеҙмөйөшлөк

Һигеҙмөйөшлөк Викимилектә

Иң боронғо һигеҙ ҡырлы бина, күрәһең, беҙҙең эраға тиклем I быуат уртаһында Афинала төҙөлгән Елдәр Башняһы булғандыр. Һигеҙмөйөшлөк — ел тирмәндәре өсөн таралған күренештәрҙең береһе. Һигеҙ ҡырлы йорттар АҠШ-та бик популяр булған.

Бер тигеҙ периметрҙарҙа һигеҙ мөйөшлө форма төҙөлөш майҙанын яҡынса 20 % ҙурайтырға мөмкинлек бирә. Был ысул менән төҙөлөш материалдарын экономиялауға, ҡышҡыһын аҙыраҡ һыуыныуға һәм йәйен йылыныуға, бынан тыш яҡшыраҡ яҡтыртыуға өлгәшелә.

Афиналағы Елдәр Башняһы

Дүртмөйөшлөктәге һигеҙмөйөшлөк

Дүртмөйөшлөктәге һигеҙмөйөшлөк — рус сиркәү архитектураһында таш һәм ағастан төҙөлгән бинаның популяр конструктив тибы. Аҫҡы өлөшө — куб рәүешендә булып, уның өҫтөнә бер йәки ике һигеҙмөйөшлөк урынлашыуы мөмкин, сатыр йәки көмбәҙҙәр рәүешле ослана. Рәсәйҙә бындай тип айырыуса XVII һәм XVIII быуаттарҙа (барокко заманында) таралған.

Галерея

• 
  Вознесение Сиркәүе (Коломенское) 1529-1532 Йй.
• 
  Илия Пәйғәмбәр сиркәүе (Ярославль)
• 
  Преображенский сиркәүе (Кижи), 1714 йыл
• 
  Меншиков башняһы, 1707 йыл
• 
  Сухарев башняһы 1692-1695 йылдар
• 
  Василий Блаженный Ҡорамы (Покров соборы), 1555-1560 йылдар
• 
  Спас башняһы 1491 йылда П. А. Солари проекты буйынса төҙөлгән
• 
  Лонгвуд йорто - АҠШ-та иң ҙур һигеҙ мөйөшлө йорт

Шулай уҡ ҡарағыҙ

• Дүртмөйөшлөк