Һарайлы (тарихи-мәҙәни үҙәк)
Ҡәнзәфәр бей исемендәге «Һарайлы» башҡорт тарихи-мәҙәни үҙәге — Башҡортостан Республикаһы Благовар районы Һарайлы ауылында урынлашҡан тарихи-мәҙәни үҙәк.
Тасуирламаһы
үҙгәртергә«Һарайлы» башҡорт тарихи-мәҙәни үҙәге 2012 йылдың 13 февралендәге Башҡортостан Республикаһы Президенты Р. З. Хәмитовтың указына ярашлы Башҡортостан Республикаһының Халыҡтар дуҫлығы йорто дәүләт учреждениеһының филиалы булараҡ Благовар районы Һарайлы ауылында ойошторола. Тарихи-мәҙәни үҙәккә мең ҡәбиләһе башлығы һәм Башҡортостандың Рәсәйгә ҡушылыуының төп инициаторҙарының береһе Ҡәнзәфәр бейҙең исеме бирелгән.
Ҡәнзәфәр бей исемендәге «Һарайлы» башҡорт тарихи-мәҙәни үҙәгенең төп маҡсаты үҫеп килеүсе быуын вәкилдәрен башҡорт халҡының данлыҡлы традициялары миҫалында элекке быуындарҙың идеалдарын тоғро ҡалыуҙа тәрбиәләү; археологик һәм тәбиғи ҡомартҡыларға һаҡсыл мөнәсәбәтте пропагандалау; халыҡ йолаларын һәм ғөрөф-ғәҙәттәрен тергеҙеү, халыҡ кәсептәрен һаҡлау, боронғо башҡорт кәсебе (туҡыусылыҡ, ағасты семәрләп ҡырҡыу, солоҡсолоҡ, милли аш-ҙыу сәнғәте һәм башҡалар) оҫталарының төрлө күргәҙмәләрендә ҡатнашыу булып тора. Тарихи-мәҙәни үҙәк булышлығында халыҡ байрамдары («Һаумыһығыз, ауылдаштар!», «Шәжәрә байрамы», «Һабантуй»), һәм шулай уҡ башҡорт халҡының милли мәҙәниәтен һәм традицияларын тергеҙеүгә һәм үҫтереүгә йүнәлтелгән саралар ойошторола.
Һылтанмалар
үҙгәртергә- Касимов С. Ф. БАШКИРСКИЙ ИСТОРИКО-КУЛЬТУРНЫЙ ЦЕНТР «САРАЙЛЫ» ИМЕНИ КАНЗАФАР-БИЯ(недоступная ссылка) // Башкортостан: народы и культуры. Иллюстрированная энциклопедия.