Ҡотан мәктәбе

Ҡотан мәктәбе — Башҡортостан Республикаһы Бөрйән районы Ырғыҙлы ауыл советы биләмәһендәге уҡыу йорто. Бөрйән районы Ҡотан ауылында урынлашҡан.

Ҡотан мәктәбе
Нигеҙләнгән	1930
Адресы	Рәсәй Федерацияһы,Башҡортостан Бөрйән районы, Ҡотан ауылы

Тарихы

Ҡотан мәктәбе 1930 йылда башланғыс мәктәп булараҡ асыла. 1989 йылдан — төп мәктәп, ә 2009 йылдан — Ҡотан башланғыс мәктәп-балалар баҡсаһы статусында.

Мәктәп бер ҡатлы кирбес бинала урынлашҡан (1999 йылда төҙөлә, 2016 йылда үҙгәртеп ҡорола). 2022 йылға ҡарата 14 мәктәпкәсә тәрбиәләнеүсе һәм 15 уҡыусы тәрбиәләнә һәм белем ала. Уҡытыу-тәрбиә эштәре башҡорт һәм урыҫ телдәрендә алып барыла.

Ҡаҙаныштары

• Бөйөк Еңеүҙең 70 йыллығына арналған Республика һәүәҫкәр художество ижады дипломанты
• Уҡыу йортон яңы уҡыу йылына яҡшы әҙерләгән өсөн Маҡтау ҡағыҙҙары (2019, 2020)

Сығанаҡтар

• Кутановская начальная школа-детский сад // Бурзянская энциклопедия / гл. ред. Г. М. Манапов. — Уфа: НИК Башкирская энциклопедия, 2022. — С. 314. — 640 с. — ISBN 978-5-88185-512-2.