Ява

Я́ва (индон. һәм яв. Jawa) — Индонезия составындағы утрау (Индонезияның баш ҡалаһы Джакарта ошо утрауҙа урынлашҡан). Майҙаны — 132 мең км². Донъялағы халыҡ иң тығыҙ йәшәгән утрау булып тора.

Ява
индон. Jawa, яв. Jawa
Характеристики
Майҙаны	132 000 км²
Иң бейек нөктәһе	3676 м
Халҡы	140 000 000 чел. (2010)
Урынлашыуы
7°30′10″ ю. ш. 111°15′47″ в. д.
Йыуыусы акваторилар	Һинд океаны, Тымыҡ океан
Ява
Ява Викимилектә

География

Көнбайыштан көнсығышҡа 1000 км һуҙылған. Ява утрауының 30%-ын джунгли биләй.

Утрауҙа 120 вулкан бар, шуларҙың 30-ы һүнмәгән (мәҫәлән, Мерапи вулканы).

Тарихы

Яваның бай тарихы бар. Мәҫәлән, Явала Матарам, Маджапахит, Демак дәүләттәре барлыҡҡа килгән.

• 
  Боробудур храмы
• 
  Бромо (һулда, 2329 м) һәм Семеру (уңда, 3676 м).

Административ бүленеш

№	Провинция	Административ үҙәк	Майҙан, км²	Халҡы, мең кеше (2010)
1	Бантен	Серанг	9019	10 632
2	Көнбайыш Ява	Бандунг	36 925	43 054
3	Үҙәк Ява	Семаранг	32 800	32 383
4	Көнсығыш Ява	Сурабая	46 690	37 477
5	Джакарта округы	Джакарта	740	9 608
6	Джокьякарта округы	Джокьякарта	3133	3 458

Ява провинцияһы

Халҡы

Донъяла кеше иң күп йәшәгән утрау (140 млн кеше, (2010); халыҡ тығыҙлығы — 1061 кеше/км²). Иң таралған телдәр — ява һәм индонез.

Иҡтисады

Бында кофеның иң билдәле сорттарының береһе Копи Лювак етештерелә.

Иҫтәлекле урындары

Утрауҙа Индонезияның иң иҫтәлекле урыны — Боробудур ғибәҙәтханаһы урынлашҡан. Буддизм диненең изге ғибәҙәтханаһы Будда космологияһының моделе булып тора. Ғибәҙәтхана ЮНЕСКО-ның архитектура-тарихи ҡомартҡылар исемлегенә инә һәм бөтә донъя мираҫы һанала.

Әҙәбиәт

• Ява // Брокгауз һәм Ефрондың энциклопедик һүҙлеге: 86 томда (82 т. һәм 4 өҫтәмә том). — СПб., 1890—1907. (рус.)

Һылтанмалар

• Вулкан на острове Ява 2015 йыл 27 сентябрь архивланған.
• Фоторепортаж с острова Ява (Боробудур, Прамбанан, вулканы)