Юғары Гәрәй

Юғары Гәрәй — Рәсәй Федерацияһы Татарстан Республикаһының Аҡтаныш районындағы ауыл. Чалманарат ауыл биләмәһе составына керә.

Ауыл
Юғары Гәрәй татар. Югары Гәрәй
Ил	РәсәйРәсәй
Федерация субъекты	Татарстан
Муниципаль район	Аҡтаныш
Ауыл биләмәһе	Чалманарат
Координаталар	55°47′16″ с. ш. 53°50′03″ в. д.
Халҡы	60 человек (2000)
Милли состав	татарҙар
Сәғәт бүлкәте	UTC+4
Почта индексы	423752
Һанлы танытмалар
Автомобиль коды	-
Код ОКАТО	922 058 850 02
Код ОКТМО	92 605 485 106
Юғары Гәрәй

География

Шәбеҙ йылғаһы буйында, Аҡтаныш ауылынан төньяҡ-көнбайышҡа табан 18 км алыҫлыҡта урынлашҡан.

Тарих

Юғары Гәрәй (Яңы Гәрәй) — Гәрәй ырыуы башҡорттарының ауылы. XIX быуат башында нигеҙләнгән. 11-се башҡорт кантоны, Ырымбур губернаһы Минзәлә өйәҙе Гәрәй улусы Таҡталасыҡ түбәһенә ҡарай, 1865 йылда был өйәҙ Өфө губернаһына инә. 1866 йылда ырыу улустары бөтөрөлгәс, ауыл Таҡталасыҡ (аҙаҡ Шәрип) улусы составына керә.

1905 йылда һыу һәм ел тирмәне, икмәк магазины, мәсет (1848 йылдан билдәле) теркәлгән.

1920 йылдан Татар АССР-ының Минзәлә кантоны, 1930 йылдан — Аҡтаныш районы, 1935 йылдан — Калинин районы, 1959 йылдан — Аҡтаныш районы, 1963 йылдан — Минзәлә районы, 1965 йылдан — йәнә Аҡтаныш районы составына керә.

1929 йылда ауылда «Ирек» колхозы ойошторола, ул 1950 йылда Тельман исемендәге колхоз, ә хәҙерге ваҡытта — «Ағиҙел» ауыл хужалығы кооперативтары берекмәһенә составына керә.

Халҡы

1816 йылда ир енесле 66 башҡорт; 1834 йылда — 63 башҡорт; 1848 йылда — 65 башҡорт; 1870 йылда — 93 башҡорт; 1905 йылда — 143 башҡорт; 1912 йылда — 169 башҡорт йәшәй.

Йылдар буйынса халыҡ иҫәбе
(Сығанаҡ: )

1859	1897	1913	1926	1938	1949	1958	1970	1979	1989	2000
103	126	169	246	266	225	210	157	120	78	60

Инфраструктура

Игенселек, малсылыҡ үҫешкән.