Шәйәхмәтов Фазулла Зәйнулла улы
Шәйәхмәтов Фазулла Зәйнулла улы (22 апрель 1929 йыл — 10 ноябрь 2002 йыл) — ауыл хужалығы алдынғыһы. 1959—1989 йылдарҙа Учалы районы «Коммунар» колхозының тракторсылар бригадаһы етәксеһе. Социалистик Хеҙмәт Геройы (1966).
| Шәйәхмәтов Фазулла Зәйнулла улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 22 апрель 1929 |
| Тыуған урыны | Ишкиново, Тамьян-Ҡатай кантоны, Башҡорт АССР-ы, РСФСР, СССР |
| Вафат булған көнө | 10 ноябрь 2002 (73 йәш) |
| Вафат булған урыны | Рәсүл, Учалы районы, Башҡортостан Республикаhы, Рәсәй |
| Һөнәр төрө | тракторсы |
| Маҡтаулы исемдәре һәм башҡа бүләктәре |
  |
Биографияһы
үҙгәртергәФазулла Зәйнулла улы Шәйәхмәтов 1929 йылдың 22 апрелендә Башҡорт АССР-ының Тамъян-Ҡатай кантоны[1] Ишкен ауылында крәҫтиән ғаиләһендә тыуған.
1945 йылдан «Коммунар» колхозында эшләй башлай. Башта колхозда тракторсы, ә 1949 йылдан — иген культураларын эшкәртеү буйынса механизацияланған отряд начальнигы, 1959—1989 йылдарҙа — трактор бригадаһы бригадиры булып эшләй. Тулайым иген йыйыу эшендә ҙур уңыштарға өлгәшә.
1959—1965 йылдарҙа Шәйәхмәтов бригадаһы 923 тонна иген әҙерләй, иген культураларының уңышы гектарынан 17,6 ц, шул иҫәптән бойҙайҙыҡы 19,1 ц тәшкил итә. Ул 1965 йылда план буйынса 700 гектар урынына 1250 гектар һөрөнтө ер эшкәртә.
Ғүмер буйы колхоз баҫыуында эшләй. Ҡатыны Әсмә Мөхәмәҙей ҡыҙы менән бергә 10 бала тәрбиәләп үҫтерәләр: 5 ҡыҙ һәм 5 ул. 1994 йылдан хаҡлы ялда.
Башҡортостандың Учалы районындағы Рәсүл ауылында йәшәй. 2002 йылдың 10 ноябрендә вафат була.
Маҡтаулы исемдәре һәм башҡа бүләктәре
үҙгәртергә- Социалистик Хеҙмәт Геройы (1966),
- Ленин ордены,
- миҙалдар.
Әҙәбиәт
үҙгәртергә- Платонов М. Любовь к земле // Герои труда Башкирии: очерки о Героях Соц. Труда. Уфа, 1970.
Иҫкәрмәләр
үҙгәртергәҺылтанмалар
үҙгәртергә- Шәйәхмәтов Фазулла Зәйнулла улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 18 апрель 2019)
- Сергей Каргапольцев. Фазулла Зайнуллович Шаяхметов. «Герои страны» сайты. Дата обращения: 14 июль 2016.