Хәмиҙуллин Әҡсән Абдрахман улы
Хәмиҙуллин Әҡсән Абдрахман улы (17 декабрь 1928 йыл — 27 декабрь 2000 йыл) — нефтсе. 1952—1987 йылдарҙа «Ишембайнефть» нефть һәм газ сығарыу идаралығында быраулаусы, мастер. Башҡорт АССР-ының 8-се саҡырылыш (1971—1975) Юғары Советы депутаты. Социалистик Хеҙмәт Геройы (1971). Ишембай ҡалаһы һәм районының почётлы гражданы (1998).
| Хәмиҙуллин Әҡсән Абдрахман улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 17 декабрь 1928 |
| Тыуған урыны | Ыҫмаҡай, Стәрлетамаҡ кантоны, Башҡорт АССР-ы, РСФСР, СССР |
| Вафат булған көнө | 27 декабрь 2000 (72 йәш) |
| Вафат булған урыны | Ишембай, Ишембай районы, Башҡортостан Республикаhы, Рәсәй |
| Маҡтаулы исемдәре һәм башҡа бүләктәре |
   |
Биографияһы үҙгәртергә
Әҡсән Абдрахман улы Хәмиҙуллин 1928 йылдың 17 декабрендә Башҡорт АССР-ының Стәрлетамаҡ кантоны Смаҡай ауылында[1] тыуған.
Хеҙмәт эшмәкәрлеген 1942 йылда Ишембай районы «Тәйрүк» сәнәғәт артелендә ат менән әйбер ташыусы булып башлай. 1948—1951 йылдарҙа Советы Армияһы сафында хеҙмәт итә. Демобилизацияланғандан һуң 1952—1985 йылдарҙа һөнәре буйынса эшләй: быраулау эшсеһе, быраулаусы ярҙамсыһы, верховой, быраулаусы, «Башнефть» производство берекмәһе «Ишембайнефть» НГДУ-һы мастеры.
Казанковка, Введеновка ятҡылыҡтарында скважинаға икенсе олон быраулау технологияһын эшкәртеүҙә һәм практикаға индереүҙә әүҙем ҡатнаша.
Һигеҙенсе биш йыллыҡ осоронда Хәмиҙуллиндың бригадаһы 50 бик ҡатмарлы скважинаны ремонтлай, уларҙың һәр береһе артабан тәүлегенә 40-50 тонна нефть бирә башлай.
Башҡорт АССР-ының һигеҙенсе саҡырылыш Юғары Советы депутаты (1971—1975) (66-сы Промысла һайлау округы, Ишембай ҡалаһы)[2].
Әҡсән Абдрахман улы Хәмиҙуллин 1987 йылда пенсияға сыға.
2000 йылдың 27 декабрендә Ишембай ҡалаһында вафат була.
Ғаиләһе үҙгәртергә
Ғүмере буйына ғаиләһе менән Смаҡай ауылында йәшәй. Ҡатыны — Фәриҙә, биш улы бар.
Маҡтаулы исемдәре һәм башҡа бүләктәре үҙгәртергә
- Нефть сығарыу буйынса биш йыллыҡ заданиеларын үтәүҙә күрһәткән тырыш хеҙмәте һәм эштә юғары техник-иҡтисади ҡаҙаныштарға өлгәшкәне өсөн СССР Юғары Советы Президиумының 1971 йылдың 30 мартындағы Указы менән Ә. А. Хәмиҙуллинға «Социалистик Хеҙмәт Геройы» исеме бирелә.
- Ленин (1971), «Почёт Билдәһе» ордендары, (1966), миҙалдар менән бүләкләнә.
- Ишембай ҡалаһы һәм районының почётлы гражданы (1998).
Хәтер үҙгәртергә
- Ишембай ҡалаһының Кузьминовка биҫтәһендәге урам Ә. А. Хәмиҙуллин исемен йөрөтә.
Шулай уҡ ҡарағыҙ үҙгәртергә
Иҫкәрмәләр үҙгәртергә
- ↑ Хәҙер Ишембай ҡалаһы микрорайоны
- ↑ Депутаты Верховного Совета БАССР восьмого созыва
Һылтанмалар үҙгәртергә
- Хәмиҙуллин Әҡсән Абдрахман улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 15 декабрь 2020)
- Александр Зиновьев. Аксан Хамидуллин. Он заставлял фонтанировать самые безнадежные скважины//Башинформ, 16 декабря 2008 2016 йыл 4 март архивланған.