Фэрфилд (Техас)
Фэрфилд (ингл. Fairfield) — АҠШ-тың Техас штатынының көнсығыш өлөшөндәге ҡала, Фристоун округының административ үҙәге. 2010 йылда халыҡ иҫәбен алыу яҙмалары мәғлүмәте буйынса бында 2951 кеше йәшәгән, АҠШ иҫәп алыу Бюроһы 2016 йылда ҡалала 2926 кеше йәшәй тип мәғлүмәт бирә[6].
| Фэрфилд | |
 | |
| Дәүләт |
 Америка Ҡушма Штаттары |
|---|---|
| Административ үҙәге | Фристон[d] |
| Административ-территориаль берәмек | Фристон[d] |
| Халыҡ һаны | 2850 кеше (1 апрель 2020)[1] |
| Процент водной поверхности | 0,0745 процент[2] |
| Диңгеҙ кимәленән бейеклек | 141 ± 1 метр |
| Майҙан |
14,147994 км²[3], 14,147937 км² (1 апрель 2010)[2] |
| Почта индексы | 75840 |
 | |
| Число домохозяйств | 932 ± 134[4] |
| Доход на душу населения | 26 486 $[5] |
 | |
 Фэрфилд Викимилектә | |
Тарих
үҙгәртергәБашта был ҡала Маунд-Прейри тип аталған, ләкин, уны округтың халҡы округ административ үҙәге итип һайлағас, ҡала Фэрфилд тип атала. Уңдырышлы ерҙәре, урман, сөсө һыу запасы һәм Тринити йылғаһына яҡын тороуы уға көнсығыш күскенселәрен йәлеп итә. 1851 йылда ҡалала почта бүлексәһе асыла, өс йыл үткәс, магазин эшләй башлай, төрмә һәм ике отель булдырыла. 1853 йылда масондар ложаһына нигеҙ һалына. 1854 йылда ҡыҙҙар өсөн, ә 1856 йылда малайҙар өсөн мәктәп асыла. Texas Pioneer аҙна гәзите 1857 йылда баҫылып сыға башлай[7].
Реконструкциялау осоронда Фристоун округы һайлауҙарҙың һөҙөмтәләрен боҙҙормаҫ өсөн хәрби хәл (положение) индерелгән дүрт округтың береһе була. 1892 йылда ҡалала банк эшләй, методит, баптистар һәм пресвитериан сиркәүҙәре була. Быуаттар сиге осоронда ҡала бер нисә тапҡыр төрлө тетрәнеүҙәр кисерә, шул иҫәптән унда «испанка» эпидемияһы ҡотора, 1900 йылда ҡойон үтә, 1903 йылда төрлө ҡоротҡос бөжәктәр мамыҡ уңышын юҡ итә, 1911 йылда ҡалала иң ҙур янғын була. Ҡалала тимер юл булмай, Valley and Trinity Brazos тимер юлы 1906-1907 йылдарҙа ҡаланан 15 километр алыҫлыҡта үтә. 1933 йылда канализация һәм һыу үткәргес төҙөлә, йәмәғәт китапханаһы 1954 йылда асыла. Табыш килемдең төп сығанағы булып нефть, күмер һәм газ, шулай уҡ ауыл хужалығы тора[7].
Географияһы
үҙгәртергәФэрфилд округтың үҙәк өлөшөндә урынлашҡан, уның географик координаталары: 31°43′03″ с. ш. 96°10′13″ з. д.HGЯO[8].
АҠШ иҫәп алыу бюроһы мәғлүмәттәренә ярашлы, ҡала майҙаны яҡынса 14,1 квадрат км тәшкил итә һәм тулыһынса тиерлек ҡоро ерҙе биләй биләй[8].
Климат
үҙгәртергәКеппен төҙөгән климаттар классификацияһы буйынса, Фэрфилда дымлы субтропик климат өҫтөнлөк итә (Cfa)[9].
| Ҡала климаты | |||||||||||||
|---|---|---|---|---|---|---|---|---|---|---|---|---|---|
| Күрһәткес | Ғин | Фев | Мар | Апр | Май | Июн | Июл | Авг | Сен | Окт | Ноя | Дек | Йыл |
| Абсолют максимум, °C | 28,9 | 34,4 | 33,9 | 36,1 | 37,2 | 40,6 | 41,7 | 42,8 | 43,3 | 37,2 | 32,2 | 31,1 | 43,3 |
| Уртаса максимум, °C | 14,7 | 17,3 | 21,5 | 25,7 | 28,9 | 32,4 | 34,8 | 35,2 | 31,7 | 26,7 | 20,9 | 16,1 | 25,5 |
| Уртаса температура, °C | 8,7 | 10,9 | 14,9 | 19,3 | 23,1 | 26,6 | 28,6 | 28,5 | 25,2 | 19,9 | 14,7 | 9,9 | 19,2 |
| Уртаса минимум, °C | 2,6 | 4,4 | 8,4 | 12,9 | 17,3 | 20,7 | 22,2 | 21,8 | 18,7 | 13,3 | 8,4 | 3,6 | 12,8 |
| Абсолют минимум, °C | −13,3 | −17,8 | −10,6 | −2,8 | 3,9 | 9,4 | 13,3 | 10,6 | 3,3 | −2,2 | −8,9 | −18,9 | −18,9 |
| Яуым-төшөм нормаһы, мм | 74 | 81 | 81 | 96 | 121 | 89 | 51 | 66 | 87 | 100 | 90 | 89 | 1025 |
| Сығанаҡ: weatherbase.com[10] | |||||||||||||
Халыҡ
үҙгәртергә| Халыҡ иҫәбе | |||
|---|---|---|---|
| Йыл | Халыҡ | %± | |
| 1940 | 1047 | ||
| 1950 | 1742 | 66.4% | |
| 1960 | 1781 | 2.2% | |
| 1970 | 2074 | 16.5% | |
| 1980 | 3505 | 69% | |
| 1990 | 3234 | -7.7% | |
| 2000 | 3094 | -4.3% | |
| 2010 | 2951 | -4.6% | |
| Ағымдағы 2016 | 2926 | -0.8% | |
| 1940-2016 [11][12][6] | |||
Халыҡ иҫәбен алыу мәғләүмәттәре буйынса 2010 йылда ҡалала 2951 кеше йәшәгән, йорт хужалығының һаны−1135, ғаиләләр һаны-747. Ҡала расалары составы: 65,6 % — аҡ тәнлеләр, 22,9 % — афроамерикандар, 0,4 % — аҡш халҡының аҫабаһы, 0,9 % — азиаттар, 0,1 % — Гавай һәм Океания кешеләре, 8 проценты — башҡа раса, 2,1 % — ике һәм күберәк раса. Испан телендә төрлө раса халыҡтарының 14,5 % һөйләшә[12].
Биш йыл мәғлүмәттәре буйынса 2012 йылдан алып 2016 йылға тиклем һорау алыуҙарға ярашлы йорт хужалығының медиан табышы йылына 44 750 аҡш долларын тәшкил иткән, ә ғаиләләрҙең медиан табышы — 52 431 доллар. Йән башына килем 21 970 доллар тәшкил итә. Яҡынса 12,1 процент ғаилә һәм халыҡтың 13,9 % фәҡир хәлендә йәшәй. Шул иҫәптән 18 йәшкә тиклемге кешеләр араһында был күрһәткес 15,5 % һәм 65 йәштән өлкәндәр араһында 18,6 % тәшкил иткән[13].
Урындағы идара
үҙгәртергәҠала мэр һәм 5 кешенән торған ҡала советы менән идара ителә. Ҡала мэры һәм ҡала советы ағзалары ҡала халҡы тарафынан һайлана[14].
Мөһим вазифаларҙы ҡалала ялланып хеҙмәт итеү юлы менән башҡарыусылар[14]:
- Ҡала администраторы
- Ҡала секретары
Инфраструктура һәм транспорт
үҙгәртергәФэрфилд аша үтеүсе төп автомагистралдәр:
штаттар араһындағы I-45 юлы, ул төньяҡтан Корсикананан көньяҡҡа ҡарай Сентервиллға бара.
84 АҠШ автомагистрале көнбайыштан Фәләстиндән көнбайышҡа табан Уэйкоға бара.
Техас штатының 75 автомагистрале төньяҡтан-көньяҡҡа ҡарай Стритмандан Сентервиллға табан барып I-45 районында киҫешә.
Ҡалаға яҡын коммерция рейстары башҡарыусы Уэйко аэропорты бар. Ул Фэрфилдтан көнбайышта яҡынса 110 километрҙа тора.
Белем
үҙгәртергәМәктәп Фэрфилд ҡалаһының бойондороҡһоҙ мәктәп округы менән хеҙмәтләндерелә.
Фэрфилдта Наварро колледжы филиалы эшләй.
Иҡтисад
үҙгәртергә2017—2018 финанс йылдарындағы ҡала бюджетына ярашлы , ҡала сығымдары һәм килемдәре $млн 6,53 тәшкил итә[15].
Ял һәм күңел асыу
үҙгәртергәФэрфилдтың йөҙөнсө тыуған көнөнән башлап, һәр йыл һайын ноябрҙә родеолы ҡала фестивале үткәрелә. Бынан тыш, ҡалала йыл һайын TQueen of the Trinity Star Pilgrimage сараһы үткәрелә, еноттарға һунар итеү милли ассоциацияһы йыйылышы, һөнәр һәм сәнғәт йәрминкә-күргәҙмәһе уҙғарыла[7].
Фрэдфилда Фристоун округының тарихи музейы, шулай уҡ Фэрфилд-Лейк штатының паркы урынлашҡан[7].
Иҫкәрмәләр
үҙгәртергә- ↑ Перепись населения США 2020 года / под ред. Бюро переписи населения США
- ↑ 2,0 2,1 United States. Bureau of the Census 2010 U.S. Gazetteer Files (ингл.) — Washington, D.C.: U.S. Census Bureau, 2010.
- ↑ United States. Bureau of the Census 2016 U.S. Gazetteer Files (ингл.) — Washington, D.C.: U.S. Census Bureau, 2016.
- ↑ https://data.census.gov/cedsci/table?d=ACS%205-Year%20Estimates%20Detailed%20Tables / под ред. Бюро переписи населения США — 2022.
- ↑ https://data.census.gov/cedsci/table?t=Income%20and%20Poverty&g=0100000US,%241600000&tid=ACSST5Y2020.S1902 / под ред. Бюро переписи населения США — 2022.
- ↑ 6,0 6,1 Annual Estimates of the Resident Population: April 1, 2010 to July 1, 2016 (Fairfield city, Texas) (ингл.). U.S. Census Bureau. Дата обращения: 2018-5-10. 2020 йыл 13 февраль архивланған.
- ↑ 7,0 7,1 7,2 7,3 Ҡалып:Справочник Техаса
- ↑ 8,0 8,1 Необходимо задать параметр
url=в шаблоне {{cite web}}. Необходимо задать параметрtitle=в шаблоне {{cite web}}. [ ]. - ↑ Fairfield, Texas Climate Summary (ингл.). Дата обращения: 2018-5-10.
- ↑ Fairfield, Texas. Weather Averages Summary (ингл.). weatherbase.com. Дата обращения: 2018-5-10.
- ↑ Texas Almanac: City Population History from 1850–2000 (ингл.) (PDF). Texas Almanac. Дата обращения: 2018-5-10.
- ↑ 12,0 12,1 Census 2010: General Population and Housing Characteristics, Fairfield city, TX (ингл.). U.S. Census Bureau. Дата обращения: 2018-5-10. 2020 йыл 13 февраль архивланған.
- ↑ 2012-2016 American Community Survey 5-Year Estimates. Fairfield city, TX (ингл.). U.S. Census Bureau. Дата обращения: 2018-5-10. 2020 йыл 13 февраль архивланған.
- ↑ 14,0 14,1 Fairfield City Staff (ингл.). Дата обращения: 2018-5-10. 2018 йыл 12 май архивланған. Өҙөмтә хатаһы:
<ref>тег дөрөҫ түгел: «city_officials» исеме бер нисә тапҡыр төрлө йөкмәткегә бирелгән - ↑ CITY OF FAIRFIELD 2017-2018 BUDGET (ингл.) (PDF). Дата обращения: 2018-5-10. 2018 йыл 18 август архивланған.
Һылтанмалар
үҙгәртергә- Официальный сайт Фэрфилда.
- Торговая палата округа Фэрфилда.
- Информация о городе Фэрфилд (англ.) (HTML). Handbook of Texas Online. Texas State Historical Association.
- Информация о городе Фэрфилд на сайте texasescapes.com.
- Независимый школьный округ Фэрфилд.