Усманов Юнир Барый улы
Усманов Юнир Барый улы (20 сентябрь 1931 йыл — 2 август 2012 йыл) — хеҙмәт алдынғыһы, йәмәғәтсе. 1962—1982 йылдарҙа Стәрлетамаҡтағы хәҙерге «Сода» асыҡ акционерҙар йәмғиәте аппаратсыһы, 1982—1997 йылдарҙа — слесарь‑ремонтлаусы. Башҡорт АССР-ының етенсе саҡырылыш (1967—1971) Юғары Советы депутаты. Социалистик Хеҙмәт Геройы (1966).
| Усманов Юнир Барый улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 20 сентябрь 1931 |
| Тыуған урыны | Стәрлетамаҡ, Башҡорт АССР-ы, РСФСР, СССР |
| Вафат булған көнө | 2 август 2012 (80 йәш) |
| Вафат булған урыны | Стәрлетамаҡ, Башҡортостан Республикаhы, Рәсәй |
| Маҡтаулы исемдәре һәм башҡа бүләктәре |
  |
.jpg){kind=link}
Стәрлетамаҡта беренсе Социалистик Хеҙмәт Геройы[1][2].
Биографияһы үҙгәртергә
Юнир Барый улы Усманов 1931 йылдың 20 сентябрендә Башҡорт АССР-ының Стәрлетамаҡ ҡалаһында тыуа. 1950—1953, 1957—1959, 1962—1982 йылдарҙа «Сода» асыҡ акционерҙар йәмғиәтенең 1‑се карбонлау цехында аппаратсы булып эшләй. 1959 йылдан алып һәм 1982—1997 йылдарҙа — слесарь‑ремонтлаусы.
1965 йылда юғары етештереү күрһәткестәренә өлгәшә. СССР Юғары Советы Президиумы указы менән 1966 йылда «Сода» производствоһы берекмәһенең өлкән аппаратсыһы Юнир Барый улы Усмановҡа «Социалистик Хеҙмәт Геройы» исеме бирелә.
1967 йылда Башҡорт АССР-ының етенсе саҡырылыш Юғары Советына депутат итеп һайлана[3].
Хаҡлы ялға сыҡҡас, ҡаланың Пионерҙар урамында йәшәй. 2012 йылдың 2 авгусында 80 йәшендә вафат була. Стәрлетамаҡта ерләнгән.
Хәтер үҙгәртергә
2010 йылдың 6 майында Стәрлетамаҡ ҡалаһының маршал Г. К. Жуков исемендәге скверында тыл хеҙмәтсәндәренә арналған мемориаль комплексты асыу тантанаһы ойошторола. Унда Социалистик Хеҙмәт Геройҙарының, шул иҫәптән Ю. Б. Усмановтың да бюсы ҡуйыла[4].
Маҡтаулы исемдәре һәм башҡа бүләктәре үҙгәртергә
- Социалистик Хеҙмәт Геройы (1966).
- Ленин ордены (1966)
Шулай уҡ ҡарағыҙ үҙгәртергә
Иҫкәрмәләр үҙгәртергә
- ↑ Аюпов, Минеев. История города Стерлитамака. Уфа, 1994
- ↑ О Медицинском Обеспечении Лиц, Имеющих Особые Заслуги. Дата обращения: 29 октябрь 2010. Архивировано 1 октябрь 2013 года.
- ↑ Список депутатов Верховного Совета БАССР 7-го созыва
- ↑ К 65-летию Победы в Стерлитамаке открылся комплекс труженикам тыла(недоступная ссылка)
Һылтанмалар үҙгәртергә
- Усманов Юнир Барый улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 18 сентябрь 2021)