Ур һуғышы
Ур һуғышы (Мәҙинәне Ҡамау[1]) — 627 йылдың 31 мартында башланған һәм ике аҙна самаһы дауам иткән Бәнү ән-Нәҙир, ҡорайыштар һәм Ғатафан ҡәбиләһенең Мөхәммәт Пәйғәмбәрҙе һәм уның көрәштәштәрен еңергә маташып, Мәҙинәгә һөжүм итеүе. Исламда был һуғыштың тамамланыуы мосолмандарға Аллаһ рәхмәтенең бер сағылышы тип һанала[2].
| Ур һуғышы | |
 | |
| Урын | Мәҙинә |
|---|---|
| Ваҡиға ваҡыты | 627 |
 | |
 Ур һуғышы Викимилектә | |
Алыш барышы үҙгәртергә
Был 20-24 көн барған оборона һуғышы булған, уны мосолмандар Йәсрибтә (хәҙерге Мәҙинә) дошман ҡәбиләләрҙең һөжүменә яуап итеп алып барған. Берләшкән көстәр һаны алты йөҙ ат һәм бер нисә дөйә менән яҡынса 10 000 кеше тип баһалана, ә мосолман яҡлаусылары иҫәбе 3 000 кеше тәшкил итә.
Мөхәммәт Пәйғәмбәр быны белгәс, Мәҙинәне уратып ур ҡаҙҙырырға ҡарар итә. Ул үҙе лә ур ҡаҙыуҙа ҡатнаша. Мосолмандарҙың ораны « Ха, мим! (улар еңмәйәсәк)» була[3]
Яҡшы ойошторолған һаҡ, дошмандарҙың рухы ҡаҡшауы һәм насар һауа торошо ҡамауҙың еңелеүенә килтерә.
"Инаныс һуғышы"нда мосолмандар бер аҙ юғалтыу кисереп, үҙ дошмандарын тактик юл менән еңә. Мосолмандарҙы еңергә маташыу уңышһыҙ тамамлана, һәм төбәктә ислам нығына. Бынан һуң мосолмандар армияһы Бәнү Ҡурайза ҡәбиләһен ҡамай, уларҙы ҡулға ала.
Еңелеү мәккәләрҙең сауҙаһының ҙур өлөшөн һәм абруйын юғалтыуына килтергән[4].
Ур һуғышы тураһында Ҡөрьән үҙгәртергә
Сүрәләр «Ғаафир» (40), «Фусыиләт» (41), «Әш-Шүүра» (42), «Әл-Духаан» (44), «Әл-Джәәҫиә» (45), «Әл-Әхҡааф» (46)
Әл-Әхзәб сүрәһе (фирҡәләр):
10-11 аяттар:
- Улар (дошман яуы) өҫтән дә, аҫтан да һеҙгә ябырылғанда, күҙҙәрегеҙ (ҡурҡыуҙан) аҡайған ине, ҡотоғоҙ ботоғоҙға еткән (йәки, йөрәктәрегеҙ боғаҙығыҙға килгән) ине; һәм Аллаһ тураһында төрлө-төрлө (шикле) уйҙар башығыҙға килгән саҡта;
- бына шулай итеп, иман килтергәндәрҙе һынау аша кисерҙек. Һәм улар дәһшәтле тетрәнеүгә дусар ителде [5].
Иҫкәрмәләр үҙгәртергә
- ↑ Ибн Хишам. 725—740; al-Waqidi. Kitab al-Maghazi, tr. J. Wellhausen . Berlin. 1882. 175—190
- ↑ Ибн Хишам. 725—740; al-Waqidi. Kitab al-Maghazi, tr. J. Wellhausen . Berlin. 1882. 175—190.
- ↑ Коран, суры «Верующий» (40), «Разъяснены» (41), «Совет» (42), «Дым» (44), «Коленопреклонённая» (45), «Пески» (46)
- ↑ Ибн Хишам. 725—740; al-Waqidi. Kitab al-Maghazi, tr. J. Wellhausen . Berlin. 1882. 175—190
- ↑ Әл-Әхзәб сүрәһе
Сығанаҡтар үҙгәртергә
- Ҡөрьән Кәрим (башҡортса)[1]
- Али-заде, А. А. Битва у рва // Исламский энциклопедический словарь. — М. : Ансар, 2007. — 400 с. — (Золотой фонд исламской мысли). — 3000 экз. — ISBN 5-98443-025-8 (рус.).
|
Был ислам тураһында тамамланмаған мәҡәлә. Һеҙ мәҡәләне төҙәтеп һәм тулыландырып проектҡа ярҙам итә алаһығыҙ. |