Таҡаты (һырт)

Таҡаты (башҡ. Таҡаты, Тәҡәте) — Башҡортостандың Ишембай һәм Ғафури районы билмәләренең көнсығышында ятҡан һырт.

Таҡаты
Дәүләт	Рәсәй
Административ-территориаль берәмек	Башҡортостан Республикаhы
Диңгеҙ кимәленән бейеклек	657 метр һәм 544 метр
Оҙонлоҡ	20 km
Киңлек	6 km

Таҡаты һырты көньяҡтан төньяҡҡа табан Таҡаты йылғаһы (Еҙем ҡушылдығы) буйлап Айыулы (Рәүҙәк ҡушылдығы) йылғаһының Ишембай һәм Ғафури районы ерҙәрендә ятҡан тамағына тиклем һуҙыла .

Оҙонлоғо — 20 км, киңлеге 5—6 км, бейеклеге — 657 м. Һыртта 485—657 м бейеклектәге биш түбә бар (Ҡараарҡа, Оҙонҡортһырт, Яманташ һ.б.).

Һырттың рельефы плато һымаҡ түбәле тәпәшәк тауҙар, йылға үҙәндәренән һәм тау араларынан ғибәрәт.

Тау тоҡомо вендтың терриген тоҡомонан тора.

Таҡаты һыртында Еҙем йылғаһы ҡушылдыҡтары баш ала (Таҡаты, Ҡарайылға, Балайылға, Зәйнеш һәм башҡа.).

Таҡаты тауының атамаһын башҡортса «тәҡәт» һүҙенә бәйләүселәр бар. «Тәҡәт» -түҙемлек, рус.терпение. Һырт бик оҙон һәм бейек, бәлки шуға уны үтергә түҙемлек талап ителеүгә ишаралыр.

Ландшафт

Һыртта көлһыу- һоро урман һәм ҡыҙғылт тупраҡта үҫкән иң япраҡлы һәм ылыҫлы урмандар үҫә.

Әҙәбиәт

• Ишимбайская энциклопедия. — Уфа: Башкирская энциклопедия, 2015. — С. 538. — 656 с. — 3000 экз. — ISBN 978-5-88185-205-4.

Һылтанмалар

• Карта Ишимбайского района
• Баштурист