Сталагмит

Сталагмиттар (бор. грек. στάλαγμα — тамсы) — өҫтән төшкән тамсыларҙан мәмерйә төбөнән һәм башҡа ер аҫты карст ҡыуышлыҡтарынан конустар, бағаналар рәүешендә хасил булып үҫә торған минераль матдәләр (күбеһе эзбизле, һирәгерәк гипслы, тоҙло). Улар сталактиттарға ҡаршы үҫә һәм, йыш ҡына үҙ-ара ҡушылып, сталагнат барлыҡҡа килә.

Сталагмит
Ҡапма-ҡаршыһы	Сталактит
Сталагмит Викимилектә

Донъяла иң бейек һәм Америкала иң ҙурыһы — «Мартин Инферно» (исп. Martín Infierno)мәмерйәһендә, Сьенфуэгос провинцияһында (Куба) табылған сталагмит тип һанала. Уның бейеклеге — 67,2 м. Европала — 35,6 м (Словакиялағы Бузго мәмерйәһе)

Шулай уҡ, ҡайһы бер мәғлүмәттәр буйынса, ихтимал, донъяла иң бейек сталагмит Шондонг (Вьетнам) мәмерйәһендә тигән фараздар бар.

Башҡортостанда

Башҡортостандағы мәмерйәләрҙә лә сталагмиттар һәм сталактиттар бар. Шуларҙың береһе Аҫҡын боҙ мәмерйәһе. Ул Көньяҡ Уралдағы иң ҙур боҙ майҙаны һәм боҙ сталагмиттары менән айырылып торған мәмерйә. Был мәмерйә Архангел районының Аҫҡын ауылынан 3 км алыҫлыҡта урынлашҡан. Мәмерйәнең «Ҙур зал» тип аталған бүлмәһендә 17 боҙ сталагмит үҫкән. Ҡайһы берҙәренең диаметры 2,8 метрға, бейеклеге — 8—11 метр.

Сталагмиттар

• 
  Аҫҡын боҙ мәмерйәһе сталагмиты
• 
  Тойфельшөле (нем. Teufelshöhle) мәмерйәһендәге сталагмиттар, Германия
• 
  Карлсбад мәмерйәһендәге сталагмит, АҠШ
• 
  Боҙло сталагмиттар. Саблинка мәмерйәһе
• 
  Был ҡыҙыҡ рәүешле сталагмиттар Сорек мәмерйәһендә. (Израиль)
• 
  Арты мәмерйәһендәге сталагмит, Мальорка.

Шулай уҡ ҡарағыҙ

• Сталактит
• Сталагнат
• Кораллит
• Геликтит
• Карст