Семёнова Нина Григорьевна
Семенова Нина Григорьевна (6 апрель 1940 — 30 август 2010) — совет химия сәнәғәте алдынғыһы, СССР минераль ашламалар етештереү Министрлығының В. И. Ленин исемендәге Новомосковск «Азот» производство берекмәһе аппаратсыһы, Тула өлкәһе, Социалистик Хеҙмәт Геройы (1981).
| Семёнова Нина Григорьевна | |
| Зат | ҡатын-ҡыҙ |
|---|---|
| Тыуған көнө | 6 апрель 1940 |
| Тыуған урыны | Новомосковск, Узловский район[d], Тула өлкәһе, РСФСР, СССР |
| Вафат булған көнө | 30 август 2010 (70 йәш) |
| Вафат булған урыны | Новомосковск, Тула өлкәһе, Рәсәй |
| Маҡтаулы исемдәре һәм башҡа бүләктәре |
  |
Биографияһы
үҙгәртергә1940 йылда Сталиногорск ҡалаһында, хәҙер Тула өлкәһенең Новомосковск ҡалаһы, күп балалы ғаиләлә тыуған[1]. Мәктәптә уҡыуҙы тамамлағандан һуң Сталиногорск химия заводында машинист ярҙамсыһы булып эшләй башлай.
1966 йылда Новомосковск химик-механик техникумын тамамлағандан һуң, комбинатта һыуытҡыс ҡулайламалар машинисы вазифаһында эшләй башлай. Һуңыраҡ аппаратсы эшенә күсә, ә 1972 йылдан өлкән аппаратсы була. 1968 йылдан алып КПСС ағзаһы[1].
Химия комбинатында оҙаҡ йылдар эшләү дәүерендә үҙен дисциплиналы хеҙмәткәр итеп күрһәтә. Йәнәш профессияларҙы бергә ҡушыу инициаторы. Бер нисә биш йыллыҡ йомғаҡтары буйынса орден һәм миҙалдар менән бүләкләнә[1].
«Ҙур производство ҡаҙаныштары, унынсы биш йыллыҡ заданиеларын һәм социалистик йөкләмәләрҙе ваҡытынан алда үтәгәне, күрһәткән хеҙмәт ҡыйыулығы өсөн», СССР Юғары Советы Президиумының 1981 йылдың 6 апрелендәге указына ярашлы, Семенова Нина Григорьевнаға Ленин ордены менән «Ураҡ һәм Сүкеш» алтын миҙалы тапшырылып, Социалистик Хеҙмәт Геройы исеме бирелә[2].
Хаҡлы ялға сыҡҡанға тиклем «Азот» фәнни производство берекмәһендә эшләүен дауам итә[1].
Тула өлкә советы депутаты итеп һайланып, 9-сы саҡырылыш СССР Юғары Советы депутаты сифатында, Тула өлкәһе һәм тармаҡ исеменән эш алып бара[1].
Новомосковск ҡалаһында йәшәй. 2010 йылдың 30 авгусында вафат була. Ҡала зыяратында ерләнгән.
Маҡтаулы исемдәре һәм бүләктәре
үҙгәртергә- «Ураҡ һәм Сүкеш» алтын йондоҙо (06.04.1981);
- ике Ленин ордены (20.04.1971, 06.04.1981);
- Хеҙмәт Ҡыҙыл Байраҡ ордены (05.03.1976);
- «Почёт Билдәһе» ордены (28.05.1966);
- «Хеҙмәт батырлығы өсөн» миҙалы;
- башҡа миҙалдар.
- Новомосковск ҡалаһының почетлы гражданы.
Хәтер
үҙгәртергә- 2013 йылдың 20 авгусында Герой йәшәгән йортҡа мемориал таҡта ҡуйыла.
Иҫкәрмәләр
үҙгәртергә- ↑ 1,0 1,1 1,2 1,3 1,4 1,5 Тимур Каримов. Семёнова Нина Григорьевна. «Герои страны» сайты. Дата обращения: 23 апрель 2020.
- ↑ Энциклопедия. Г.... Герои Социалистического Труда Тульской области. Тульский-край.РФ. Дата обращения: 23 апрель 2020.
Һылтанмалар
үҙгәртергә- Семёнова Нина Григорьевна. «Герои страны» сайты.