Савенко Вера Иосифовна

Вера Иосифовна Савенко (ҡыҙ фамилияһы Михайленко; укр. Віра Йосипівна Савенко; 1929 йыл, Владимировка ауылы, Полтава округы) — Украина ССР-ының Полтава өлкәһе Карловка районы 8 март исемендәге колхозында звено етәксеһе. Социалистик Хеҙмәт Геройы (1949).

Савенко Вера Иосифовна
Зат	ҡатын-ҡыҙ
Гражданлыҡ	СССР  Украина
Тыуған көнө	1929
Тыуған урыны	Владимировка[d], Карловский район[d], Полтава округы[d], Украина Совет Социалистик Республикаһы, СССР
Һөнәр төрө	колхозник
Маҡтаулы исемдәре һәм башҡа бүләктәре

Биографияһы

1929 йылда Владимировка ауылында крәҫтиән ғаиләһендә тыуған. Башланғыс белем ала. 12 йәштән Карловка районының 8 март исемендәге колхозында эшләй. Оккупация ваҡытында йәмәғәт һарайында хеҙмәт итә. 1943 йылда Полтава өлкәһе немец илбаҫарҙарынан азат ителгәндән һуң, емерелгән колхоз хужалығын тергеҙеүҙә эшләй. Комсомол-йәштәр звеноһының звено етәксеһе булып тәғәйенләнә.

1948 йылда Вера Михайленко етәкселеге аҫтындағы звено 20 гектар майҙанда һәр гектарҙан уртаса 32,8 центнер бойҙай йыйып ала. 1949 йылда «1948 йылда бойҙай, көнбағыш һәм көньяҡ киндер сүсенән юғары уңыш алғаны, 1949 йылда яҙғы сәсеү эштәре өсөн бөтә төр культура орлоғо менән тәьмин ителеше өсөн» Социалистик Хеҙмәт Геройы исеменә лайыҡ була.

Колхоздар эреләтелгәндән һуң тыуған ауылында, Карловка районының Ватутин исемендәге колхозында төрлө эштә эшләй. 1968 йылдан алып Жданов исемендәге Полтава тепловоз ремонтлау заводының инструменталь цехында токарь-фрезеровщик булып эшләй.

Хаҡлы йылға сыҡҡандан һуң Полтавала йәшәй.

Маҡтаулы исемдәре һәм бүләктәре

- Социалистик Хеҙмәт Геройы — СССР Юғары Советы Президиумының 1966 йылдың 23 июнендәге указы

- Ленин ордены

- Хеҙмәт Ҡыҙыл Байраҡ ордены

Һылтанмалар

• Віра Йосипівна Савенко. Праці Соціалістичної Геройы (1949) 2020 йыл 30 октябрь архивланған.