Кәримова Роза Шәйхетдин ҡыҙы
Кәримова Роза Шәйхетдин ҡыҙы (7 ноябрь 1935 йыл—10 август 2020 йыл, БАССР, Нуриман районы, Иҫке Күл ауылы) — театр актёры. 1961 йылдан СССР Театр эшмәкәрҙәре союзы ағзаһы. РСФСР-ҙың атҡаҙанған (1985), Башҡорт АССР-ының халыҡ (1977) һәм атҡаҙанған (1972) артисы.
| Кәримова Роза Шәйхетдин ҡыҙы | |
| Зат | ҡатын-ҡыҙ |
|---|---|
| Гражданлыҡ |
 СССР Рәсәй |
| Тыуған көнө | 7 ноябрь 1935 (88 йәш) |
| Тыуған урыны | Иҫке Күл ауылы, Нуриман районы, Башҡорт АССР-ы, РСФСР, СССР |
| Һөнәр төрө | актёр |
| Маҡтаулы исемдәре һәм башҡа бүләктәре | |
Биографияһы
үҙгәртергәРоза Кәримова 1959 йылда Мәскәүҙә А. В. Луначарский исемендәге Театр сәнғәте дәүләт институтын тамамлағандан һуң (Б. В. Бибиков һәм О. И. Пыжова курсы) Башҡорт академия драма театрына эшкә ҡайта. Мәжит Ғафури исемендәге Башҡорт академия драма театры ҡуйған спектаклдәрҙәге төрлө ролдәрҙә уйнай. Ул лирик-һәм драматик ролдәрҙе лә, комик‑сатирик ролдәрҙе лә уңышлы башҡара. Сит ил, рус һәм башҡорт авторҙары пьесалары буйынса был театр сәхнәһендә ҡуйылған спектаклдәрҙә 80-дән ашыу образ ижад итә.
1989 йылдан 1995 йылға тиклем Республика йәш тамашасы театры (хәҙерге Мостай Кәрим исемендәге БР Милли йәштәр театры) актёры була.
1961 йылдан алып Театр эшмәкәрҙәре союзы ағзаһы.
1966 йылда СССР-ҙағы поляк драматургияһы фестивалендә «Улар дүртәү ине» (Х. Вуолийоки, режиссёры Изабелла-Мария Цивиньска, Польша) трагикомедияһында Ҡатын роле өсөн Роза Каримова тәнҡитселәрҙең һәм фестиваль комиссияһы ағзаларының юғары баһаһына лайыҡ була. 1977 йылда Польшала үткәрелгән Совет драматургияһы фестиваленә почетлы ҡунаҡ сифатында саҡырыла[1].
Ғаиләһе
үҙгәртергәРоза Кәримованың ире — актёр, режиссёр, 1969—1976 йылдарҙа Башҡорт АССР-ы мәҙәниәт министры Вил Сәғит улы Кәримов. Роза Шәйхетдин ҡыҙы үҙен ирҙән уңдым тип һанай, театр һәм сәнғәтте бик яҡшы белгән Вил Сәғит улы уның ижади эшмәкәрлеген баһалаусы, тәнҡитсе була[2]. Кәримовтарҙың улы Булат Кәримов — режиссёр, БСТ тапшырыуҙарын алып барыусы. Тамашасылар уның эшмәкәрлеге менән «Следопыт» тапшырыуы аша таныш[3].
Спектаклдәрҙәге ролдәре
үҙгәртергәБашҡорт драма театрында тыуҙырған образдары: Люся («Эҙләнеү йылдары» — «Годы странствий», А. Н. Арбузов; дебют, 1959), Ғилминур («Әсәләр көтәләр улдарын», Ә.М.Мирзаһитов), Хәҙисә («Ҡыҙыл паша», Н.Асанбаев), Бимаза («Диктаторға ат бирегеҙ!», М.Кәрим), Мирандолина («Хозяйка гостиницы» К.Гольдони), Джен («Мария Тюдор», В.Гюго), Ғилминур («Әсәләр көтәләр улдарын», Ә. Мирзаһитов) һ.б.
Милли Йәштәр театрындағы ролдәре — Палапан («Иҙеүкәй менән Мораҙым», М. А. Буранғолов), Кукушкина («Төшөмлө урын», А. Н. Островский), Макпал («Мөхәббәт тураһында легенда», Г. М. Мусрепов).
Актёрҙың таланты классик репертуар спектаклдәрендә тулы асыла: Джульетта («Ромео һәм Джульетта», У.Шекспир), Нина Заречная («Аҡсарлаҡ», А. П. Чехов), Надежда Коломийцева («Һуңғылар», М.Горький), Акулина, Анна Дмитриевна («Ҡараңғылыҡ хөкөм һөргәндә», «Тере мәйет», Л. Н. Толстой) һ.б.[4].
Маҡтаулы исемдәре һәм наградалары
үҙгәртергәИҫкәрмәләр
үҙгәртергә- ↑ Рождённая для сцены // kulturarb.ru
- ↑ Театр — её судьба и жизнь (К юбилею видной актрисы Розы Каримовой) // bashinform.ru
- ↑ http://www.delomir.ru/kultura-i-iskusstvo/kultura/2982-tvorcheskaya-dinastiya.html 2021 йыл 23 ғинуар архивланған.
- ↑ «kulturarb»
Һылтанмалар
үҙгәртергә- Кәримова Роза Шәйхетдин ҡыҙы(недоступная ссылка) // Башҡорт энциклопедияһы
- Творческая династия 2021 йыл 23 ғинуар архивланған. // Деловой мир Башкортостана