Төп менюны асырға

РСФСР-ҙың атҡаҙанған артисы

РСФСР-ҙың дәүләт наградаһы

РСФСР-ҙың атҡаҙанған артисы — РСФСР-ҙың дәүләт наградаһы, маҡтаулы исем РСФСР-ҙың Юғары Советы Президиумы тарафынан бирелгән. 1931 йылдың 10 авгусында булдырылған.

РСФСР-ҙың атҡаҙанған артисы
Рәсем
Нигеҙләү датаһы 10 август 1931
Дәүләт Flag of the Soviet Union (1924–1955).svg СССР
Уровень выше РСФСР-ҙың халыҡ артисы[d]
Ил Flag of the Soviet Union (1924–1955).svg СССР
Тәртип буйынса һуңыраҡ килеүсе Рәсәй Федерацияһының атҡаҙанған артисы
Пиктограмма
Лауреаттар категорияһы Категория:РСФСР-ҙың атҡаҙанған артистары

ТарихыҮҙгәртергә

«Республиканың атҡаҙанған артисы» маҡтаулы исеме 1931 йылдан башлап 1931 йылғы указға тиклем бирелә. Исем республикаларҙың мәғариф халыҡ комиссариаттары коллегиялары тарафынан, мәғариф халыҡ комиссарҙары, өлкә һәм край советтары бойороҡтарына ярашлы бирелгән.

1931 йылдан 1992 йылға тиклем «РСФСР-ҙың атҡаҙанған артисы» маҡтаулы исем менән СССР-ҙа киң билдәле булған артистар, режиссерҙар, композиторҙар, музыкант-инструменталистар, цирк артистары һәм йәнле һөйләү жанры артистары, РСФСР-ҙан һәм союз республикаларынан классик, эстрада һәм джаз музыкаһының билдәле башҡарыусылары, шулай уҡ кино, музыка һәм башҡа мәҙәниәт өлкәләрендәге киң билдәлелек яулаған ижади эшмәкәрҙәр бүләкләнә (ҡара РСФСР-ҙың атҡаҙанған артистары исемлеген).

Артабанғы танылыу дәрәжәһе — «РСФСР-ҙың халыҡ артисы», уның артынса — «СССР-ҙың халыҡ артисы» исеме.

1992 йылдың 16 майынан алып бөтә документтарҙа «Рәсәй Федерацияһының атҡаҙанған артисы» маҡтаулы исемe тип атала[1]. Күкрәккә тағыла торған билдә бер аҙ үҙгәртелә: «РСФСР» яҙыуы алып ташлана һәм 1954 йылғы РСФСР флагы урынына триколорлы муар таҫма ҡуйыла. 1996 йылда Рәсәй Федерацияһы Президентының 1341-се һанлы указы сыҡҡандан һуң яңы билдәләр эшләнә.

Билдәнең һүрәтләнешеҮҙгәртергә

«РСФСР-ҙың атҡаҙанған артисы» маҡтаулы исемдең күкрәккә тағыла торған билдәһе алтын ялатылған томпактан эшләнә һәм 28, 7-гә 33 мм размерлы оҙонса түңәрәк формала була, элмәге бар. Билдәнең урта өлөшөндә лира һүрәте урынлаштырылған, унан аҫтараҡ — лавр һәм имән ботаҡтары менән уратылған «РСФСР-ҙың атҡаҙанған артисы» яҙыуы. Бөтә һүрәттәр һәм яҙыуҙар ҡалҡып тора һәм төҫһөҙ, үтә күренмәле эмаль менән ҡапланған. Күкрәккә тағыла торған билдә элмәк һәм дүңгәләк менән алтынға ялатылған 15-кә 25 мм размерлы дүрт мөйөшлө ҡалып менән тоташтырыла. Ҡалып РСФСР флагы төҫтәрендәге ҡыҙыл һәм зәңгәр муар таҫма менән уратылған. Ҡалыптың артҡы яғында кейемгә беркетеү өсөн булавкаһы бар. Билдәгә ҡушып РСФСР-ҙың Юғары Советы Президиумының Грамотаһы бирелә.

Шулай уҡ ҡарағыҙҮҙгәртергә

ИҫкәрмәләрҮҙгәртергә

  1. Закон Российской Федерации от 21 апреля 1992 года № 2708-I «Об изменениях и дополнениях Конституции (Основного Закона) Российской Советской Федеративной Социалистической Республики». Данный закон вступил в силу с момента опубликования в Российской газете 16 мая 1992 года.

ҺылтанмаларҮҙгәртергә

  • [ Звания почётные] — Ҙур совет энциклопедияһында мәҡәлә
  • Статья «Почётные звания». Театральная энциклопедия в 6 т. Гл. ред. П. А. Марков. — М.: Советская энциклопедия