Сәйфуллин Риф Ғәли улы

Сәйфуллин Риф Ғәли улы (4 октябрь 1949 йыл) — театр актёры. 1977 йылдан СССР Театр эшмәкәрҙәре союзы ағзаһы. Башҡорт АССР-ының халыҡ артисы (1988), Рәсәй Федерацияһының атҡаҙанған артисы(2022).

Риф Сәйфуллин
Риф Ғәли улы Сәйфуллин
Тыуған ваҡыты:	4 октябрь 1949({{padleft:1949|4|0}}-{{padleft:10|2|0}}-{{padleft:4|2|0}}) (75 йәш)
Тыуған урыны:	Архангел районы Муллаҡай ауылы, Башҡорт АССР-ы
Һөнәре:	актёр
Гражданлығы:	СССР → Рәсәй Федерацияһы
Әүҙем йылдары:	1973—
Театр:	Арыҫлан Мөбәрәков исемендәге Сибай башҡорт дәүләт драма театры
Наградалары:	Башҡорт АССР-ының халыҡ артисы Рәсәй Федерацияһының атҡаҙанған артисы

Биографияһы

Риф Ғәли улы Сәйфуллин 1949 йылдың 4 октябрендә Башҡорт АССР-ының (1993 йылдан Башҡортостан Республикаһы) Архангел районының Муллаҡай ауылында тыуған.

Өфө дәүләт сәнғәт институтын тамамлағас (1973), Арыҫлан Мөбәрәков исемендәге Сибай башҡорт дәүләт драма театрына актёр булып хеҙмәт эшмәкәрлеген башлай. 1977 йылдан СССР Театр эшмәкәрҙәре союзы ағзаһы.

Ижады

• Төп ролдәре: сэр Маклой («Бәхтегәрәй», Әсғәт Мирзаһитов)
• Яппар («Ҡоҙаса», Баязит Бикбай, Заһир Исмәғилев)
• Иҫәнгилде («Аҡмулланың аҡ төндәре», Наил Ғәйетбаев)
• Кочкарев («Өйләнеү», Н. В. Гоголь) һ. б.
• Ғ. Исхаковтың «Һайра, һандуғасым» спектаклен ҡуйыусы режиссёр (1993), пьесаларҙы тәржемә итеүсе.

Маҡтаулы исемдәре һәм башҡа бүләктәре

• БАССР-ҙың атҡаҙанған артисы (1979)
• БАССР-ҙың халыҡ артисы (1988)
• Рәсәйҙең атҡаҙанған артисы (2022)

Һылтанмалар

• Сәйфуллин Риф Ғәли улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

Әҙәбиәт

• Сибай: энциклопедия. — Уфа: Башкирская энциклопедия, 2015. — ISBN 978-5-88185-246-7.