Мәҙәниәт хеҙмәткәре көнө (Рәсәй)
Мәҙәниәт хеҙмәткәре көнө- Рәсәй мәҙәниәте хеҙмәткәрҙәренең һөнәри байрамы. Йыл һайын 25 мартта билдәләнә. Киңерәк мәғәнәлә мәҙәниәт хеҙмәткәрҙәренә ижади һөнәрҙәр вәкилдәре, сәнғәт эшмәкәрҙәре, шулай уҡ Бөтә донъя мираҫын һаҡлаусылар һәм популярлаштырыусылар инә.
| Мәҙәниәт хеҙмәткәре көнө |
Тарихы
үҙгәртергә
2007 йылда шул саҡтағы мәҙәниәт министры Соколов Александр Сергеевич үҙенең сығышында Рәсәй Федерацияһының бер нисә төбәгендә Мәҙәниәт хеҙмәткәре көнө үткәрелә, тик улар бер көндә булмай, тип әйтә[1]. Ул әлеге байрамға дәүләт статусы биреү кәрәклеген әйтә.
Шул уҡ йәйҙә Рәсәй Президенты Путин Владимир Владимирович 27 август көнө « Мәҙәниәт хеҙмәткәре көнө» үткәреү тураһында указға ҡул ҡуя. Был көн Рәсәй матбуғаты көнө, халыҡ-ара һәйкәлдәр һәм тарихи урындар көнө, халыҡ-ара музейҙар көнө, яҙыусы көнө, театр көнө, халыҡ-ара китап һәм авторлыҡ хоҡуғы көнө һәм башҡа шундай даталар билдәләүселәр өсөн дөйөм һөнәри байрамға әүерелә.
Мәҙәниәт хеҙмәткәре көнө, ялға ғына эләкмәһә, эш көнө булып тора.