Кинйәбулатова Кәтибә Кәрим ҡыҙы
Кинйәбулатова Кәтибә Кәрим ҡыҙы (15 сентябрь 1920 йыл — 17 июнь 2012 йыл) — башҡорт балалар шағиры. 1956 йылдан СССР Яҙыусылар союзы ағзаһы. Башҡорт АССР-ының атҡаҙанған мәҙәниәт хеҙмәткәре (1980), Һәҙиә Дәүләтшина исемендәге республика премияһы лауреаты (1989). «Почёт Билдәһе» ордены кавалеры (1991).
| Кәтибә Кинйәбулатова | ||
 | ||
| Исеме: |
Кинйәбулатова Кәтибә Кәрим ҡыҙы | |
|---|---|---|
| Тыуған көнө: | ||
| Тыуған урыны: |
Башҡортостан АССР-ы, Арғаяш кантоны, Мәүлит ауылы | |
| Вафат булған көнө: | ||
| Вафат булған урыны: | ||
| Гражданлығы: | ||
| Эшмәкәрлеге: |
шағир, яҙыусы | |
| Ижад йылдары: |
1954—2012 | |
| Жанр: |
поэзия, проза | |
| Әҫәрҙәре яҙылған тел: | ||
| Премиялары: |
| |
Биографияһы
үҙгәртергәКәтибә Кәрим ҡыҙы Кинйәбулатова 1920 йылдың 15 сентябрендә Башҡортостан АССР-ы Арғаяш кантоны (хәҙерге Силәбе өлкәһенең Арғаяш районы) Мәүлит ауылында тыуған. Үҙҙәрендәге башланғыс һәм Мөхәммәтҡолой ете йыллыҡ мәктәптәрендә белем ала.
1935 йылда Өфө педагогия рабфагында уҡый.
1939—1940 йылдарҙа Өфө педагогия институтында уҡый.
1941—1953 йылдарҙа Силәбе өлкәһенең Арғаяш районы Мөхәммәтҡолой урта мәктәбендә тел һәм әҙәбиәт уҡытыусыһы, һуңынан уҡыу-уҡытыу бүлеге мөдире булып эшләй.
1953 йылдан Өфөгә килеп «Әҙәби Башҡортостан» («Ағиҙел») редакцияһында әҙәби хеҙмәткәр булып урынлаша.
1962 йылда СССР Яҙыусылар союзы ҡарамағандыға Юғары әҙәбиәт курсын тамамлап ҡайтҡас, «Башҡортостан ҡыҙы» журналының тәүге баш мөхәррире итеп тәғәйенләнә.
2012 йылдың 17 июнендә вафат була.
Атаҡлы Ҡолой кантон нәҫеленән.
Ижады
үҙгәртергә1939-40 йылдарҙа беренсе шиғырҙары донъя күргән. 1954 йылда балалар өсөн яҙылған тәүге китабы нәшер ителә.
Ижадының башланғыс осоронда күберәк балалар яҙыусыһы булараҡ танылыу таба. Артабан уның ижади мөмкинлектәре киңәйә һәм ул төрлө жанрҙарҙа ла ижад итә башлай. Уның әҫәрҙәре рус уҡыусыларына ла таныш һәм бик күп башҡа халыҡтар теленә тәржемә ителгән.
Китаптары
үҙгәртергә- Тәүге сәскәләр: Балалар өсөн шиғырҙар. — Өфө, Башҡортостан китап нәшриәте, 1954. — 32 бит.
- Алтын тояҡ-аҡ кәзә. — Өфө, 1955.
- Йәшел япраҡтар. — 1958
- Әнисә. — 1960.
- Һүнмәҫ мөхәббәт. — 1962.
- Атай тауышы. — 1964.
- Минуттар. — 1965.
- Бөркөт. — 1966.
- Йондоҙҙар бейей. — 1969.
- Айгүзәлдең алтын асҡысы. — 1970.
- Партизан ейеәнсәре. — 1974.
- Һүҙ тереләргә. — 1971.
- Лирика. — 1975.
Маҡтаулы исемдәре һәм башҡа бүләктәре
үҙгәртергә- Башҡорт АССР-ының атҡаҙанған мәҙәниәт хеҙмәткәре (1980)
- Һәҙиә Дәүләтшина исемендәге республика премияһы лауреаты (1989)
- Силәбе өлкәһе Арғаяш районының почётлы гражданы (1990)
- «Почёт Билдәһе» ордены (1991)
Хәтер
үҙгәртергә- Силәбе өлкәһенең Сосновка районы Сиреүсе урта белем биреү мәктәбендә башҡорт теле һәм әҙәбиәтен өйрәнеү буйынса асылған класҡа Кәтибә Кинйәбулатова исеме бирелә[1].
Сығанаҡтар
үҙгәртергә- Кинйәбулатова Кәтибә Кәрим ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- Гайнуллин М. Ф., Хусаинов Г. Б. Писатели Советской Башкирии. Биобиблиографический справочник / Оформление А. Королевского. — Уфа: Башкирское книжное издательство, 1977. — 416 стр. (рус.)
- Ғәйнуллин М. Ф., Хөсәйенов Ғ.Б. Совет Башҡортостаны яҙыусылары. Биобиблиографик белешмә. Тулыландырылған, төҙәтелгән икенсе баҫма. — Өфө: Башҡортостан китап нәшриәте, 1988. — 400 бит.
- Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)
- В школе Челябинской области открылся класс имени башкирской поэтессы
Һылтанмалар
үҙгәртергә- башҡа сығанаҡтар
- Зәки Вәлиди исемендәге Республика Милли катапханаһы 2011 йыл 19 октябрь архивланған.
- Силәбе башҡорттары