Кашаева Регина Фәрит ҡыҙы

Кашаева Регина Фаритовна (5 ноябрь 1979 йыл), ҡыҙ фамилияһы Рахимкулова — Рәсәй еңел атлеты, оҙон дистанцияға йүгереү һәм кросс буйынса белгес. 2003—2011 йылдарҙа элиталы спортсы булараҡ сығыш яһай, 3000 һәм 5000 метрға, шулай уҡ тигеҙ булмаған ерҙәрҙә йүгереүҙә Рәсәй чемпионы. Гетеборгта Европа чемпионатында, Бирмингемда ябыҡ биналағы Европа чемпионатында, Анси ҡалаһында Европа кубогында Башҡортостан исеменән сығыш яһай. Рәсәйҙең Халыҡ-ара класлы спорты мастеры.

Кашаева Регина Фәрит ҡыҙы
Зат ҡатын-ҡыҙ
Гражданлыҡ  Рәсәй
Тыуған көнө 5 ноябрь 1979({{padleft:1979|4|0}}-{{padleft:11|2|0}}-{{padleft:5|2|0}})[1] (44 йәш)
Тыуған урыны Өфө, РСФСР, СССР
Һөнәр төрө еңел атлет
Спорт төрө Еңел атлетика

Биографияһы үҙгәртергә

Регина Рахимкулова 1979 йылдың 5 ноябрендә Башҡорт АССР-ының Өфө ҡалаһында тыуа. Надежда исемле игеҙәк туғаны бар, ул да йүгереүҙә билдәле ҡаҙаныштарға өлгәшә.

Тренеры Геннадий Иванович Алексеев етәкселегендә еңел атлетика менән шөғөлләнә.

2003 йылда Тулала үткән Рәсәй чемпионатында 5000 метрға йүгереүҙә етенсе урын ала. Был йылдан һуң ошондай уҡ ярышта шул уҡ дисциплинала 11-се була, Ырымбурҙа кросс буйынса Рәсәй чемпионатында финишҡа туғыҙынсы булып килә.

2005 йылда Волгоградта Рәсәй чемпионатында 3000 метрҙа дүртенсе була.

2006 йылда Тулала уҙған Рәсәй чемпионатында 5000 метрға йүгереүҙә еңеү яулай. Рәсәй милли йыйылма командаһының төп составына эләгеп, Гетеборгта Европа чемпионатында 15:22,50 һөҙөмтәһе менән көслө унау исемлеген яба. Бынан тыш, ярыш 2 километрға кроста Рәсәй чемпионы була.

2007 йылда Волгоградта Рәсәйҙең Ҡышҡы чемпионатында 3000 метрға йүгереүҙә иң яҡшы һөҙөмтә күрһәтә, ә Бирмингемда ябыҡ биналағы Европа чемпионатында шул уҡ дисциплинала ун икенсе була[2].

2008 йылда Жуковский ҡалаһында Рәсәйҙең кросс буйынса яҙғы чемпионатында сығыш яһап, еңеүсе була, Анси ҡалаһында уҙған Европа Кубогында, 5000 метрға йүгереүҙә өсөнсө урын ала һәм команда зачетында беренсе була[3].

2009 йылда Сочиҙа Рәсәй чемпионатында 4×1500 метрға эстафетала Башҡортостан командаһы составында еңеүсе булып, көмөш миҙал яулай — бында инде иренең фамилияһы менән Кашаева булып сығыш яһай.

2010 йылда Жуковский ҡалаһында яҙғы кросс буйынса Рәсәй чемпионатында бронза призеры була.

2011 йылда Мәскәүҙә Рәсәйҙең Ҡышҡы чемпионатында 3000 метрға йүгереүҙә — туғыҙынсы, 5000 метрға унынсы була[4][5].

Иҫкәрмәләр үҙгәртергә

  1. Regina Rakhimkulova // https://worldathletics.org/athletes/-/14299048
  2. Елена Евтеева. Уфимская бегунья Регина Рахимкулова стала чемпионкой России. Башинформ (12 февраль 2007). Дата обращения: 18 март 2020.
  3. Башкирская легкоатлетка Рахимкулова победила на Кубке Европы. RB7.ru. Дата обращения: 18 март 2020.
  4. Регина Рахимкулова. ARRS
  5. Регина Кашаева. ARRS