Караискакис (стадион)
Караискакис стадионы (грек. Καραϊσκάκης Γήπεδο Γεώργιος) — Грециялағы стадион, Пирей ҡалаһында Посидонос проспектында урынлашҡан. «Олимпиакос» футбол клубының үҙ майҙаны булып тора. Стадион Грецияның бойондороҡһоҙлоғо өсөн һуғыш геройы Георгиос Караискакис хөрмәтенә аталған, ул ошо ерҙә үлемесле яралана.
| Караискакис | |
| грек. Γήπεδο Γεώργιος Καραϊσκάκης | |
| Нигеҙләү датаһы | 1896 |
|---|---|
 | |
| Спорт төрө | Футбол |
| Кем хөрмәтенә аталған | Георгиос Караискакис |
| Дәүләт |
 Греция |
| Административ-территориаль берәмек | Пирей[d] |
| Урын | Пирей |
| Хужаһы | Греция |
| Хеҙмәтләндереүсе | Олимпиакос[d] |
| Рәсми асылыу датаһы | 1896 |
| Обитатель | Олимпиакос[d] |
| Һыйым | 33 334 |
| Категория стадиона УЕФА | UEFA stadium category 4[d] |
 | |
 Караискакис Викимилектә | |
Тарихы үҙгәртергә
Стадион 1896 йылда асыла һәм тәүге тапҡыр йәйге Олимпия уйындары өсөн, әммә тик велодром булараҡ ҡулланыла, унда француз спортсыһы Поль Массон велосипед спортында өс алтын миҙал яулай.
Тәүге тапҡыр 1964 йылда реконструкциялана, ә 2004 йылда икенсе тапҡыр 33 334 урынлыҡ итеп тулыһынса яңынан төҙөлә һәм йәйге 2004 йылғы Олимпия уйындарын ҡабул итеүгә әҙер була. Был реконструкциялау рекордлы ваҡытта — 14 ай ғына дауам итә. Шул уҡ ваҡытта стадионды тулыһынса емереп, яңынан төҙөйҙәр.
1974 йылдың 10 октябрендә бында Грецияла хәрби диктатура тамамланыу хөрмәтенә композитор Микис Теодоракистың асыҡ концерты үтә (1967—1974).
1998 йылда төҙөлгән һуңғы килешеүҙән һуң «Олимпиакос» футбол клубы стадионды 2003 йылдан 2052 йылға тиклем ҡуртымға ала, ул клуб структураһының өлөшө булараҡ маркировкалана. Караискакис стадионында «Олимпиакос» клубынан тыш „Этникос“ клубы ла сығыш яһай.
2005 йылдың июнендә «Караискакис» стадионында кинотеатр төҙөлә (Cine Karaiskakis) уның экранының оҙонлоғо 20 м, киңлеге 10 м тәшкил итә һәм урындағы ваҡыт менән эш көндәрендә сәғәт 9-ҙан алып сәғәт 11-гә тиклем, ә ял көндәрендә тағы ла оҙағыраҡ эшләй.
«Караискакиста» фәжиғә үҙгәртергә
1981 йылдың 8 февралендә «Олимпиакостың» 21 көйәрмәне стадиондың «7-се секторында» (грек. Θύρα 7) «Олимпиакос» һәм Афина футбол клубы араһындағы матчтан һуң һәләк була. Был ваҡиға иҫтәлегенә трибунаның өлөшөндә 7-се секторҙа утырғыстар ҡыҙыл төҫ урынына ҡара төҫ менән буялған. Бынан тыш, стадиондың көнсығыш яғында һәйкәл ҡуйылған, унда шул уҡ көндә үлтерелгән 21 фанаттың исеме яҙылған.
Инфраструктураһы үҙгәртергә
Караискакис УЕФА эгидаһы аҫтында 13 дүрт йондоҙло футбол стадиондарының береһе, был Лига чемпиондарының финалын үткәреүгә мөмкинлек бирә. Уның 40 VIP-залы һәм 472 кешене һыйҙыра алырлыҡ апартаменттары, 130 кешене һыйҙырышлы матбуғат конференцияһы залы, матбуғат һәм киң мәғлүмәт сараларын үткәреү өсөн 200 урыны бар. Стадионда шулай уҡ сауҙа үҙәге менән ресторандар, кафе, ваҡ магазиндар һәм атрибутика магазины, фитнес-зал һәм «Олимпиакос» тарихына бағышланған музей бар. Бөтә стадионда 10 механик станция бар. Бынан тыш, парковка өсөн 2500 машина һыйҙыра алырлыҡ майҙан бар. Заманса планировкаһы арҡаһында трибуналар барлыҡ көйәрмәндәрҙе 7 минут эсендә тышҡа сығара алыу мөмкинлегенә эйә.
Һылтанмалар үҙгәртергә
- karaiskaki.gr — стадиона рәсми сайты
- Стадион Караискакис на сайте Allstadiums.ru
- Информация и фото стадиона
- Модель стадиона на сайте Google 3D Warehouse 2013 йыл 18 декабрь архивланған.