Әлибаева Зәйтүнә Рәхмәтулла ҡыҙы

Әлибаева Зәйтүнә Рәхмәтулла ҡыҙы (1922 йыл — 9 август 1942 йыл) — Бөйөк Ватан һуғышында батырҙарса һәләк булған яугир, ПВО часы элемтәсеһе.

Зәйтүнә Рәхмәтулла ҡыҙы Әлибаева
Тыуған ваҡыты	1922({{padleft:1922|4|0}})
Тыуған урыны	Башҡорт АССР-ы, Бәләбәй кантоны, Ҡырғыҙ-Миәкә ауылы
Үлгән ваҡыты	9 август 1942({{padleft:1942|4|0}}-{{padleft:8|2|0}}-{{padleft:9|2|0}})
Вафат урыны	Ҡалмыҡстан, Сарпан районы, Садовое ауылы
Хеҙмәт иткән урыны	СССР
Ғәскәр төрө	пехота
Хеҙмәт итеү йылдары	1942
Хәрби звание	Рядовой
Хәрби алыш/һуғыш	Бөйөк Ватан һуғышы

Биографияһы

Зәйтүнә Рәхмәтулла ҡыҙы Әлибаева 1922 йылда Башҡорт АССР-ы Бәләбәй кантонының (хәҙерге Башҡортостан Республикаһы Миәкә районының) Ҡырғыҙ-Миәкә ауылында тыуған. 1930-сы йылдарҙа атаһы Маҡар районының 12-се һанлы совхозы директоры була, ҡатыны менән өс ҡыҙ бала үҫтерәләр.

Петровский мәктәбендә 1-се синыфтан 7-се синыфҡа тиклем уҡый. Артабан Өфө сәнғәт училищеһының актёр бүлегендә белем ала. ВЛКСМ-ға инә. Атаһы һуғышҡа киткәс, тыуған яҡтарына әйләнеп ҡайта, совхозда эшләй.

Һуғышҡа барырға ҡарар иткәс, Стәрлетамаҡ ҡалаһына барып медицина курстарында уҡый, әммә уны тамамлап бөтмәй һәм 1942 йылдың 8 майында Бөйөк Ватан һуғышының Сталинград фронтына оҙатыла. ПВО частарында элемтәсе булып хеҙмәт итә.

1942 йылдың 9 авгусында бейеклекте дошмандан бер үҙе һаҡлап ҡалып һәләк була.

Хәтер

• Ҡалмыҡ Республикаһы Сарпан районының Садовое ауылының бер урамына уның исеме бирелгән. Ошо ауылдың 2-се мәктәбе алдында уға һәйкәл ҡуйылған.

Һылтанмалар

• КАЛМЫЦКАЯ САГА О БАШКИРСКОЙ КРАСАВИЦЕ. Сайт «Яндекс-Дзен», 2 марта 2020 года (рус.) (Тикшерелеү көнө: 3 март 2020)
• Рейф И. Последняя высота Зайтуны Алибаевой // AlTaBash. — 2008. — № 5 (44). — С. 6—10, 19. — ISSN 1614-9432.
• Рейф И. Последняя высота Зайтуны Алибаевой // Труд. — 1997. — № 84.

Видеояҙмалар

• Письма надежды: Зайтуна Альбаева. 2015 йыл 4 октябрь архивланған. Выпуск № 5 от 1 мая 2015. ГУП ТРК «Башкортостан».