Дәүек

Дәүек — Рәсәй Федерацияһы Татарстан Республикаһы Минзәлә районы ауылы. Тауаҫты Байлар ауыл биләмәһе составына керә.

Ауыл
Дәүек татар. Дәвек
Ил	РәсәйРәсәй
Федерация субъекты	Татарстан
Муниципаль район	Минзәлә
Ауыл биләмәһе	Тауаҫты Байлар
Координаталар	55°45′58″ с. ш. 52°54′29″ в. д.
Беренсе мәртәбә телгә алынған	1717 йыл
Халҡы	447 человек (2002)
Сәғәт бүлкәте	UTC+4
Телефон коды	+7 85555
Һанлы танытмалар
Автомобиль коды	16, 116
ОКАТО коды	92 240 000 055
ОКТМО коды	92 640 463 106
ГКГН номеры	0142307
Дәүек

География

Ауыл Түбәнге Кама һыуһаҡлағысынан 3 км, Минзәлә ҡалаһынан көнбайыштараҡ 14 км алыҫлыҡта урынлашҡан.

Тарих

Дәүек — байлар ырыуы башҡорттарының ауылы. 1717 йылдан билдәле. Ырымбур губернаһы Минзәлә өйәҙе Байлар улусы Салағош түбәһенә ҡарай. 11-се башҡорт кантоны составында була. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс Күсәкәй улусы составына керә.

1773—1775 йылдарҙағы Крәҫтиәндәр һуғышы осоронда ауыл пугачевсылар отрядтарының ял итеү һәм йыйылыу урыны булып торған.

ХХ быуат башында һыу тирмәне, тимерлек, 2 мәсет, 2 мәктәп теркәлгән.

1920 йылдан Татар АССР-ының Минзәлә кантоны, 1930 йылдан — Минзәлә районы составында була.

1929 йылда «Алға» колхозы ойошторола, ул 1959 йылда «Яңы юл» колхозы составына керә (1991 йылдан элекке исемдә йәнә айырым хужалыҡ булып тора).

Халҡы

1795 йылда ауылда ир енесле 74 йән башҡорт һәм 122 типтәр; 1816 йылда — 136 башҡорт (шуларҙың 6-ы — ике ҡатынлы) һәм 80 типтәр; 1834 йылда — 187 башҡорт (2-һе — өс ҡатынлы) һәм 175 типтәр; 1870 йылда — 538 башҡорт һәм 535 типтәр; 1902 йылда — 335 башҡорт һәм 479 типтәр йәшәй.

Йылдар буйынса халыҡ иҫәбе
(Сығанаҡ: )

1859	1897	1906	1913	1920	1926	1938	1949	1958	1970	1979	1989	2002
814	1310	1543	1696	1701	1419	1157	919	870	936	717	445	447

Инфраструктура

Игенселек, малсылыҡ үҫешкән. Ауылда урта мәктәп, клуб, китапхана, мәсет бар.

Әҙәбиәт

• Мензелинский край: История и современность. — Мензелинск, 2006.