Дьячков Александр Васильевич

Дьячков Александр Васильевич
	Дьячков Александр Васильевич
Зат	ир-ат
Хеҙмәт итеүе	СССР
Тыуған көнө	25 октябрь 1921
Тыуған урыны	Благовещен районы
Вафат булған көнө	8 сентябрь 1961 (39 йәш)
Вафат булған урыны	Благовещен районы, Башҡорт АССР-ы, РСФСР, СССР
Ерләнгән урыны	Башҡортостан Республикаhы
Һуғыш/алыш	Бөйөк Ватан һуғышы
Ғәскәр төрө	пехота[d]
Маҡтаулы исемдәре һәм башҡа бүләктәре

Дьячков Александр Васильевич (25 октябрь 1921 йыл — 8 сентябрь 1961 йыл) — Бөйөк Ватан һуғышы яугире, уҡсылар полкының разведка отделениеһы командиры, кесе сержант. Дан орденының тулы кавалеры.

Биографияһы

Александр Васильевич Дьячков 1921 йылдың 25 октябрендә Башҡорт АССР-ының Благовещен районы Николаевка ауылында крәҫтиән ғаиләһендә тыуған.

Урыҫ. Башланғыс мәктәпте, механизаторҙар курсын тамамлай. Тракторсы булып эшләй.

1942 йылдан алып Ҡыҙыл Армияла. 1942 йылдың февраленән хәрәкәт итеүсе армияла.

Демобилизацияланғандан һуң 1946 йылда А.В.Дьячков тыуған ауылына ҡайта, А. Жданов исемендәге колхозда тракторсы булып эшләй.

1961 йылдың 8 сентябрендә вафат була. Башҡортостандың Благовещен районы Николаевка ауылында ерләнгән. ^[1].

Батырлығы

861-се уҡсылар полкының йәйәүле разведка взводы разведчигы (294-сы уҡсылар дивизияһы, 52-се армия, 2-се Украина фронты) 1944 йылдың 20 авгусында румын ҡалаһы Яссынан төньяҡтараҡ дошман контратакаһын кире ҡаҡҡанда ҡыҙылармеец Дьячков Александр шәхси ҡоралынан ете дошман пехотасыһын юҡ итә. 1944 йылдың 21 авгусында Яссы ҡалаһы өсөн урам һуғыштарында ҡул һуғышы алышында ҡыйыу яугир-разведчик тиҫтәгә яҡын дошман һалдатын юҡ итә.

СССР Юғары Советы Президиумының 1944 йылдың 8 сентябрендәге Указы менән «немец-фашист илбаҫарҙары менән алыштарҙа командованиеның заданиеларын өлгөлө үтәгәне өсөн» ҡыҙылармеец Дьячков Александр Васильевич 3-сө дәрәжә Дан ордены менән бүләкләнә (№ 155044).

861-се уҡсылар полкы йәйәүле разведка взводының бүлек командиры (294-сы уҡсылар дивизияһы, 52-се армия, 1-се Украина фронты) кесе сержант Дьячков Александр 1945 йылдың 28 ғинуарында Гёрлиц тораҡ пункты (Германия) янында «серҙәге» немецты эләктерә, уның күрһәтмәләре дошман контратакаһын кире ҡағыуға алдан әҙерләнергә ярҙам итә.

СССР Юғары Советы Президиумының 1945 йылдың 19 февралендәге Указы менән «немец-фашист илбаҫарҙары менән алыштарҙа командованиеның заданиеларын өлгөлө үтәгәне өсөн» кесе сержант Дьячков Александр Васильевич 2-се дәрәжә Дан ордены менән бүләкләнә (№ 28017).

1945 йылдың 16 февралендә Польша ҡалаһы Вроцлавтан төньяҡ-көнсығыштараҡ Хундсфельд ҡалаһы өсөн һуғышта, кесе сержант А. В. Дьячков разведчиктарҙың төркөмөн етәкләп, тауышһыҙ ҡарауыл посын бәреп төшөрә һәм дошмандың терәк пунктына баҫып инә, был ҡаланы азат итеүҙә полкҡа уңыш килтерә, 1945 йылдың 18 апрелендә ул ҡабаттан 2-се дәрәжә Дан ордены менән бүләкләнә.

СССР-ҙың Юғары Советы Президиумының 1959 йылдың 24 декабрендәге указы менән «немец-фашист илбаҫарҙары менән алыштарҙа командованиеның заданиеларын өлгөлө үтәгәне өсөн» Дьячков Александр Васильевич, Дан орденының тулы кавалеры булып, 1-се дәрәжә Дан ордены менән бүләкләнә (№ 3720).

Маҡтаулы исемдәре һәм башҡа бүләктәре

Хеҙмәт Ҡыҙыл Байраҡ ордены,
1-се, 2-се һәм 3-сө дәрәжә Дан ордены
миҙалдар.

Хәтер

Николаевка ауылында Дан орденының тулы кавалеры А.В. Дьячков тыуып йәшәгән йортҡа мемориаль таҡтаташ ҡуйылған.

Иҫкәрмәләр

↑ Дьячков Александр Васильевич (билдәһеҙ). «Герои страны» сайты.}

Һылтанмалар

http://encyclopedia.mil.mil.ru/encyclopedia/gentlemens/hero.htm?id=11464492@morfHeroes(недоступная ссылка)
http://www.liveinternet.ru/users/kakula/post244933505/

Әҙәбиәт

Несокрушимые. Уфа, 1985.
Славные сыны Башкирии. Уфа.

[1] Дьячков Александр Васильевич (билдәһеҙ). «Герои страны» сайты.}

[1]