Болдырева Любовь Петровна

Болдырева Любовь Петровна (24 июнь 1924 йыл — 2 август 1979 йыл) — СССР-ҙың ауыл хужалығы алдынғыһы, Омск өлкәһе Любинский районы «Төньяҡ-Любинский» тоҡомсолоҡ совхозының һауынсылар бригадиры, Социалистик Хеҙмәт Геройы (1966).

Болдырева Любовь Петровна
Заты ҡатын-ҡыҙ
Гражданлығы Flag of the Soviet Union.svg СССР
Тыуған көнө 24 июнь 1924({{padleft:1924|4|0}}-{{padleft:6|2|0}}-{{padleft:24|2|0}})
Тыуған урыны СССР, РСФСР, Омская губерния[d]
Вафат булған көнө 2 август 1979({{padleft:1979|4|0}}-{{padleft:8|2|0}}-{{padleft:2|2|0}}) (55 йәш)
Вафат булған урыны СССР, РСФСР, Омск өлкәһе
Һөнәр төрө доярка
Сәйәси фирҡә ағзаһы Советтар Союзы Коммунистар партияһы
Маҡтаулы исемдәре һәм башҡа бүләктәре
Социалистик Хеҙмәт Геройы Ленин ордены

БиографияһыҮҙгәртергә

Любовь Петровна Болдырёва 1924 йылда Омск губернаһы Тар өйәҙенең Форпост ҡасабаһында крәҫтиән ғаиләһендә тыуған. Урыҫ.

Иртә эшләй башлай, 1939 йылда Омск өлкәһенең Исилкүл районы «Баррикадалар» колхозына эшкә килә.

1947 йылдан Омск өлкәһе Любинский районының «Төньяҡ-Любинский» тоҡомсолоҡ совхозында эшләй башлай. Тәүҙә һауынсы, һуңынан һауын һыйырҙар көтөүенең бригадиры булып эшләй. 1965 йылда уның бригадаһы һөт һауыу буйынса юғары күрһәткестәргә өлгәшә — уртаса һәр һыйырҙан йылына 4650 килограмм һөт һауып ала. Бер нисә тапҡыр СССР-ҙың халыҡ хужалығы ҡаҙаныштары күргәҙмәһендә ҡатнаша.

СССР Юғары Советы Президиумының 1966 йылдың 22 мартындағы Указы менән малсылыҡтағы юғары күрһәткестәре өсөн Болдырева Любовь Петровнаға Ленин ордены һәм "«Ураҡ һәм Сүкеш» миҙалы тапшырылып, «Социалистик Хеҙмәт Геройы» исеме бирелә.

Хаҡлы ялға сыҡҡанға тиклем совхозда эшләүен дауам итә.

Төньяҡ-Любинский ҡасабаһында йәшәй.

1979 йылдың 2 авгусында вафат була[1]. Урындағы зыяратта ерләнә.

Маҡтаулы исемдәре һәм башҡа бүләктәреҮҙгәртергә

  • Социалистик Хеҙмәт Геройы
  • «Ураҡ һәм Сүкеш» миҙалы (22.03.1966)
  • Ленин ордены (22.03.1966)
  • башҡа миҙалдар.

ХәтерҮҙгәртергә

Төньяҡ-Любинский ҡасабаһында урамдарҙың береһе Социалистик Хеҙмәт Геройы Болдырева исемен йөрөтә. Шулай уҡ уның исеме Төньяҡ-Любинский ҡасабаһында Хеҙмәт Геройы мемориалында мәңгеләштерелгән[2].

ӘҙәбиәтҮҙгәртергә

  • Энциклопедия омск өлкәһе, 2 томда. — Омск, 2010.

ИҫкәрмәләрҮҙгәртергә

ҺылтанмаларҮҙгәртергә