Байымов Нурмөхәмәт Ислам улы

Байымов Нурмөхәмәт Ислам улы (рус. Баимов Нурмухамет Исламович) (октябрь 1910 йыл — 12 июль 1992 йыл) — Бөйөк Ватан һуғышында ҡатнашыусы, ҡыҙылармеец. 112-се Башҡорт кавалерия дивизияһының 313-сө кавалерия полкы яугиры. II дәрәжә Ватан һуғышы ордены (1985) кавалеры.

Байымов Нурмөхәмәт Ислам улы
Зат	ир-ат
Гражданлыҡ	Рәсәй империяһы  Совет Рәсәйе  СССР
Тыуған көнө	октябрь 1910
Тыуған урыны	Олокүл, Ҡырмыҫҡалы районы
Вафат булған көнө	12 июль 1992({{padleft:1992|4|0}}-{{padleft:7|2|0}}-{{padleft:12|2|0}}) (81 йәш)
Хәрби звание	рядовой
Һуғыш/алыш	Бөйөк Ватан һуғышы
Ғәскәр төрө	кавалерия[d]
Маҡтаулы исемдәре һәм башҡа бүләктәре

Биографияһы

Нурмөхәмәт Ислам улы Байымов 1910 йылда Башҡортостандың хәҙерге Ҡырмыҫҡалы районы Олокүл ауылында тыуған. 1941 йылда БАССР-ҙың Ҡырмыҫҡалы районы хәрби комиссариаты тарафынан Ҡыҙыл Армия сафына алына. 1942 йылдың 4 апреленән алып 112-се Башҡорт кавалерия дивизияһының 313-сө кавалерия полкында хеҙмәт итә. 1942 йылдың 10 июлендә ҡаты яралана. 1943 йылдың июль-август айҙарында дивизия составында Курск дуғаһындағы алыштарҙа ҡатнаша. Һуғыш йылдарында күрһәткән ҡаһарманлығы өсөн 1947 йылда «Батырлыҡ өсөн» миҙалына лайыҡ була.

Былар ҡыҙыҡлы

Батыр яугир Нурмөхәмәт Байымовтың улы Роберт Нурмөхәмәт улы Байымов — билдәле СССР һәм Рәсәй әҙәбиәт белгесе, филология фәндәре докторы, Салауат Юлаев исемендәге премия лауреаты; уның ейәне Таһир Байымов — шағир.

Маҡтаулы исемдәре һәм башҡа бүләктәре

• II дәрәжә Ватан һуғышы ордены (1985)
• «Батырлыҡ өсөн» миҙалы (1947)
• Юбилей миҙалдары

Хәтер

Байымов Нурмөхәмәт Ислам улының исеме Ҡырмыҫҡалы районының «Улар Еңеү менән ҡайттылар» китабына индерелгән.

Һылтанмалар

• БАИМОВ Нурмухамет Исламович. Шаймуратовцы (рус.) (Тикшерелеү көнө: 8 июль 2021)