Төп менюны асырға


Анцио (итал. Anzio) — ҡала-порт, Италияның Тиррен диңгеҙе өсмөйөшөндә урынлашҡан. Анцио ҡалаһы Лацио төбәгендәге Рома провинцияһында тора.

Анцио
Рәсем
Дәүләт Flag of Italy.svg Италия
Административ үҙәк Anzio[d]
Административ-территориаль берәмек Рим[d] һәм Метропольный город Рим[d]
Халыҡ һаны 54 710 кеше (1 ғинуар 2018)[1]
Диңгеҙ кимәленән бейеклек 3 ± 1 метр
Сәғәт бүлкәте UTC+01:00[d] һәм UTC+02:00[d]
Туғандаш ҡала Бад-Пирмонт, Хемстеде[d], Бруклин[d] һәм Paphos Municipality[d][2]
Сиктәш Априлия[d], Ардея[d] һәм Неттуно[d]
Майҙан 43,65 км² (9 октябрь 2011)[3]
Почта индексы 00042
Рәсми сайт comune.anzio.roma.it
Урынлашыу картаһы
Категория с картами на Викискладе Maps of Anzio
Урындағы телефон коды 06
Номер тамғаһы коды ROMA
Commons-logo.svg Анцио Викимилектә

Халыҡ һаны — 52 865 кеше (30.04.2009 й.). Анцио ҡалаһы 43,43 км2 майҙанды биләй. Почта индексы — 00042. Телефон коды — 06.

ТарихҮҙгәртергә

Анциум (Antium) йәки Анций[4] Римдан боронғораҡ вольсктарҙың нығытылған ҡалаһы. Риүәйәт буйынса, ҡалаға нигеҙҙе тылсымсы Цирцеяның һәм Одиссейҙың улы Антей һалған. Рим империяһы ваҡытында Анциум менән Помпей римлеләрҙең бай виллалары һаны буйынса ярышҡан. Император һарайы диңгеҙ ярында торған, унда Калигула һәм Нерон тыуған. Һарайҙағы археологик ҡаҙыныуҙар ваҡытында бында бик күп антик сәнғәт шедеврҙары табылған, мәҫәлән, «көрәшсе Боргез көрәшсеһе» һәм «Аполлон Бельведерский». 59 йылда Нерон бында сауҙа портына нигеҙ һала. Шулай уҡ империя дәүерендә бында Эскулап һәм Фортуна ғибәҙәтханалары төҙөлгән. VI быуатҡа тиклем ҡала шул уҡ исемле епархияның үҙәге була. Ул, сарациндар баҫҡандан һуң, йәшәүҙән туҡтай.

Сарациндар ҡаланы емергәндән һуң, ҡала биләмәһе ташлана, ҡала көнсығышҡа табан — хәҙерге Неттуноға шыла. Яңырыу дәүерендә Анцио эргәһендә Альдобрандини (Фраскати) һәм Боргезе ғаиләләренең виллалары төҙөлә. Яҡынса 1479 йылда Анциолағы Нерон һарайы емереклектәрендә Аполлон статуяһы табыла. Был статуя, 1506 йылда папа Юлий II бойороғо буйынса Ватикандың Бельведер баҡсаһына ҡуйыла. Папа Иннокентий XII 1698 йылда археологик зонанан көнсығышҡа табан яңы порт төҙөй башлай. Икенсе донъя һуғышы ваҡытында Римды алыу маҡсаты менән был портҡа союздаштар төшөрөлә (ҡарағыҙ: Анцио-Неттун операцияһы).

ДемографияҮҙгәртергә

Халыҡ динамикаһы:

 

Билдәле кешеләрҮҙгәртергә

  • Хосе Гальегос-и-Арноса — испан рәссамы-импрессионист.

Туғанлашҡан ҡалаларҮҙгәртергә

Коммуна хакимиәтеҮҙгәртергә

ИҫкәрмәләрҮҙгәртергә

ҺылтанмаларҮҙгәртергә