«Берлек» (промартель, Бөрйән районы)
"«Берлек» промартеле — Башҡортостан Республикаһы Бөрйән районы Яңы Мөсәт ауылындағы ойошма.
| «Берлек» промартеле | |
| Тип |
артель |
|---|---|
| Нигеҙләнгән йыл | |
| Ябылған йыл | |
| Урынлашыуы | |
| Тармаҡ |
Кәсепселек |
| Продукция |
ағас ҡырҡыу, ағыҙыу; күмер яндырыу; сайыр һәм скипидар етештереү һ.б. |
Тарихы
үҙгәртергә«Берлек» промартеле 1930 йылда Яңы Мөсәт ауылында ойошторола һәм ауыл хужалығы менән шөғөлләнә. Беренсе рәйесе — М. Бүләкбаев. Һуңғараҡ артель «Яңы юл» колхозына инә. 1936 унан сыға һәм 1942 йылға тиклем үҙаллы була.
1942 йылда «Берлек» промартелендә кәсепселек эше йәйелдерелә. Уны Ҡасҡынбаев С. С. етәкләй. Артель ағас ҡырҡыу һәм ағыҙыу, төрлө сеймал әҙерләү, поташ производствоһы, ыҫмала һәм дегет етештереү, күмер үртәү, һалабаш әҙерләү менән шөғөлләнә. Ағасты Алағуян йылғаһы буйлап Ағиҙел йылғаһына тиклем (Иҫке Собханғол эргәһендә) ағыҙалар. Ағас күмерен яндырыу, дегет һәм ыҫмала Иҫке Ыҙма йылғаһы буйында башҡарыла.
1957 йылда «Берлек» промартеле бөтөрөлә һәм Бөрйән урман сәнәғәте хужалығының ағас әҙерләү пунктына әүерелә.
- Өҫтәп уҡығыҙ
- Яңы Мөсәт ауылының тарихы[1]
Етәкселәре
үҙгәртергә- Бүләкбаев М.
- Ҡасҡынбаев С. С.
Сығанаҡтар
үҙгәртергә"Берлек" // Бурзянская энциклопедия / гл. ред. Г. М. Манапов. — Уфа: НИК Башкирская энциклопедия, 2022. — С. 114. — 640 с. — ISBN 978-5-88185-512-2.