Ҡороған (Һаҡмар ҡушылдығы)

Ҡороған  (рус. Кураган, Кураганок) — Рәсәйҙәге йылға, Һаҡмар йылғаһының ҡушылдығы. Ырымбур өлкәһе Ҡыуандыҡ районы һәм «Медногорск ҡалаһы» муниципаль берәмеге аша аға. Ҡыуандыҡҡа еткәс, Һаҡмарға тамағынан 386 км алыҫлыҡта һул ярынан ҡушыла. Йылға оҙонлоғо 71 км. Һыу бассейны майҙаны — 794 км².

Ҡороған
Ҡайҙа ҡоя	Һаҡмар
Ҡушылдыҡ	Беләү (йылға) һәм Имәнле
Бассейн майҙаны	794 км²
Дәүләт	Рәсәй
Административ-территориаль берәмек	Ырымбур өлкәһе
Оҙонлоҡ	71 km
Ҡороған Викимилектә

Тамағынан инешенә табан Новоказанка, Йомағужа 2-се, Беләүтамаҡ, Иҙелбай, Рысай, Һарыбай, Ҡыуандыҡ аша аға.

Ҡушылдыҡтары

(тамағынан алыҫлығын билдәләй)

• 45 км: йылға Беләү (һул)
• 55 км: йылға Имәнле (Имелле) (һул)
• 61 км: йылға Башҡалған (һул)

Этимологияһы

Ырымбур топонимсыһы С. М. Стрельников атаманы төрки йәки монгол сығышлы һүҙ менән бәйләй: алтайса — «кураган», тываса — «хураган», монголдарҙың «хург(н)» — «һарыҡ бәрәсе».

Мәгәр, башҡорт телендә йылғаларға исем ҡылымдар биреү шулай уҡ киң таралған, шуға күрә атама башҡорт сығышлы тип фараз итергә була. Ҡурау — ныҡ кибеү (ҡураған үләндән - ҡурай); ҡураған йылға иһә — өлөшләтә кибә торған йылға тигәнде аңлатыуы ихтимал

Филология фәндәре кандидаты Миңһылыу Усманова иһә йылғаның исемен башҡорт телендәге "ҡороған" һүҙе менән бәйләй

Һыу реестры мәғлүмәттәре

Рәсәй дәүләт һыу реестры мәғлүмәттәре буйынса йылға Яйыҡ һыу бассейны округында урынлашҡан, һыу хужалығы участкаһы — Һаҡмар йылғаһы инешенән Оло Эйек йылғаһына ҡойғанға тиклем, Бәләкәй йылға бассейны — Яйыҡ (һыу бассейнының Рәсәй өлөшө).

РФ территорияһы буйынса Һыу ресурстарының федераль агентлығы тарафынан әҙерләнгән мәғлүмәттәр:

• Дәүләт һыу реестрында һыу объектының коды — 12010000512112200005423.
• Гидрологик өйрәнеү (ГӨ) буйынса коды — 112200542
• Бассейн коды — 12.01.00.005
• ГӨ буйынса саны — 12
• ГӨ буйынса сығарылыш — 2