Ҡарамалы (Аҙнаҡай районы)

Ҡарамалы — Рәсәй Федерацияһы Татарстан Республикаһының Аҙнаҡай районындағы ауыл. Ҡарамалы ауыл биләмәһенең административ үҙәге.

Ауыл
Ҡарамалы татар. Карамалы
Ил	РәсәйРәсәй
Федерация субъекты	Татарстан
Муниципаль район	Аҙнаҡай
Ауыл биләмәһе	Ҡарамалы ауыл биләмәһе
Координаталар	54°46′ с. ш. 53°11′ в. д.
Элекке исеме	Ҡарамалыйылға
Халҡы	528 человек (2002)
Милли состав	татарҙар
Сәғәт бүлкәте	UTC+4
Почта индексы	423301
Һанлы танытмалар
Автомобиль коды	-
Код ОКАТО	922 028 320 01
Код ОКТМО	92 602 432 101
Номер в ГКГН	0188500
Ҡарамалы

Географик урыны

Ауыл Стәрле йылғаһы буйында (Сарсаз бассейны), Аҙнаҡай ҡалаһынан көньяҡ-көнсығышҡа табан 11 км алыҫлыҡта урынлашҡан.

Тарихы

Ҡарамалы (Ҡарамалыйылға) — юрмый ырыуы башҡорттарының ауылы. XIX быуат башында Әсей ауылы кешеләре тарафынан нигеҙләнә. 12-се башҡорт кантоны, Ырымбур губернаһы Бөгөлмә өйәҙенең Юрмый улусына ҡарай. 1850 йылда Бөгөлмә өйәҙе Һамар губернаһына инә. 1866 йылда ырыу улустары бөтөрөлгәс, ауыл Стәрлетамаҡ (аҙаҡ Сумараҡ) улусы составына керә.

1889 йылда мәсет, 2 һыу тирмәне; ХХ быуат башында 2 бакалея кибете, 2 мәсет, 2 мәктәп теркәлгән.

1920 йылда ауыл Татар АССР-ының Бөгөлмә кантоны, 1930 йылдан —Тымытыҡ районы, 1931 йылдан — Аҙнаҡай районы, 1963 йылдан — Әлмәт районы, 1965 йылдан — Аҙнаҡай районы составына керә.

Халҡы

1816 йылда ир енесле 67 йән башҡорт; 1834 йылда — 222 башҡорт йәшәй.

Йылдар буйынса халыҡ иҫәбе
(Сығанаҡ: )

1859	1889	1897	1908	1920	1926	1938	1949	1958	1970	1979	1989	2002
321	810	1045	1084	1394	1317	1127	844	807	743	543	485	528

Инфраструктура

Игенселек, малсылыҡ үҫешкән. Ауылда урта мәктәп, мәҙәниәт йорто, китапхана, мәсет бар.