Ҡалыу (һырт)
Ҡалыу — Башҡортостан (Көньяҡ) Уралындағы һырт, Оло Ҡалыу һырты армыты. Ишембай районы Кәбәс ауылы киңлегенән алып Нөгөш йылғаһының уң яры буйлап Ишембай һәм Бөрйән райондары аша Яланайры йылғаһы тамағы киңлегенә тиклем меридиональ йүнәлештә һуҙылған.
| Ҡалыу | |
|---|---|
| Характеристики | |
| Оҙонлоғо | 26 км |
| Киңлеге | 4 км |
| Бейек нөктәләре | |
| Абсолют бейеклеге | 771 м |
| Урынлашыуы | |
| 55°23′ с. ш. 55°30′ в. д.[[Категория:Билдәһеҙ илдәр|]_type:landmark H]GЯO | |
| Ил | |
| Тау системаһы | Көньяҡ Урал |
Оҙонлоғо 26 км, киңлеге 4 км, абсалют бейеклеге 771 м. 700 м тиклем бейеклектәге бер нисә түбәһе бар.
Төньяҡ һәм көньяҡ өлөштәрҙән тора. Төньяҡ өлөшөнөң рельефы тигеҙ; көньяҡ өлөшө йырғыланған, үҙәндәр, биләндәр, ваҡытлыса һыу ағымы йырҙалары менән ҡатмарланған.
Көнсығыш битләүҙәре текә, төньяғы һөҙәк. Елмәрҙәк свитаһы ҡомташтарынан, алевролиттарынан һәм һәүерташтарынан тора. Һырттан Нөгөш йылғаһының күп ҡушылдыҡтары башлана. Ландшафтары һоро урман тупрағынындағы, кәҫле көлһыу тупраҡтағы ҡатнаш урмандарҙан тора. Һырттың көньяҡ өлөшө «Алтын Солоҡ» заказнигында урынлашҡан.