Яйыҡ (гәзит)

Яйыҡ — Башҡортостан Республикаһы Учалы ҡалаһы һәм районының ижтимағи-сәйәси баҫмаһы. 1991 йылдан аҙнаһына ике тапҡыр шишәмбе һәм шәмбе көндәрендә башҡорт телендә сыға. Ойоштороусылары — Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «„Яйыҡ“ гәзите редакцияһы» ҡаҙна предприятиеһы.

Яйыҡ
Нигеҙләү датаһы	15 декабрь 1932
Атамаһы	Яйыҡ
Дәүләт	Рәсәй
Административ-территориаль берәмек	Учалы
Хужаһы	Учалы районы
Штаб-фатирҙың урынлашыуы	Башҡортостан Республикаhы, Рәсәй
Ил	Башҡортостан Республикаhы
Әҫәрҙең теле	башҡортса‎
Гәзит форматы	ISO 216[d]
Рәсми сайт	yaikrb.com

Дөйөм ҡылыҡһырлама

• Сығыу көнө — шишәмбе, шәмбе
• Баҫтырыу форматы — А3
• Төҫө — аҡлы-ҡаралы

Эстәлеге

Сәйәсәт, иҡтисад, мәҙәниәт, мәғариф, спорт, район һәм ҡала эсендәге йүнселлек эшмәкәрлеге

Баҫма тарихы

• 1932: Гәзит «Ударсы» исеме менән Учалы райкомы ВКП(б) һәм Советтарҙың халыҡ депутаттары район башҡарма комитетының баҫмаһы булып ойошторола, ғәрәп графикаһы һәм яңалиф нигеҙендә башҡорт телендә сығарыла;
• 1934: «Шахта байрағы» исеменә үҙгәртелә, башҡорт телендә сығарыла, кириллица нигеҙендә башҡорт яҙмаһы;
• 1935: Яңынан тәүге «Ударсы» исеме менән баҫтырыла башлай;
• 1940: «Сталин байрағы» исеме аҫтында башҡорт һәм рус телдәрендә сыға башлай;
• 1947: «Зауралец» исеменә үҙгәртелеп, рус телендә сығарыла башлай;
• 1956: «Ленин байрағы» исеме менән яңынан ике телдә баҫтырыла башлай;
• 1962: Башҡорт АССР райондары эреләтеүе арҡаһында Белореттың «Урал» гәзите менән берләшә — Учалы районы Белорет менән ҡушыла;
• 1965: «Ураҡ һәм сүкеш» исеме менән яңынан айырым баҫма булып башҡорт һәм рус телдәрендә сыға башлай;
• 1992: Баҫманан «Учалинская газета» исеме менән рус телендә район газетаһы айырылып сыға. Шул ваҡыттан алып, әлеге исем менән тик башҡорт телендә генә сыға.

Баш мөхәррирҙәр

• Солтанова Римма Рәмил ҡыҙы — 2017 йылдың октябренә тиклем.

Наградалар

• 2014 йыл — Баҫма «Матбуғаттың алтын фонды — 2014» таныҡлығына лайыҡ була.

Һылтанмалар

• Рәсми сайт 2017 йыл 16 ноябрь архивланған.

• Яйыҡ (гәзит) // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 18 ноябрь 2022)