Фукуока башняһы

Фукуока башняһы (япон. 福岡タワ, тава фукуока) — 234 метр бейеклектәге башня, япон ҡалаһы Фукуоканың Момотихама районында урынлашҡан. Японияның иң бейек яр буйы башняһы. Уны төҙөү 1989 йылда тамамлана. 14 ай төҙөлә һәм 6 000 000 000 иена китә (2015 йыл курсы буйынса $50 000 000). Башняның проектын Никкэн Сэккэй фирмаһы төҙөй.

Фукуока башняһы
Нигеҙләү датаһы	14 октябрь 1987
Дәүләт	Япония
Административ-территориаль берәмек	Momochi-hama[d]
Урын	Seaside Momochi[d]
Хеҙмәтләндереүсе	Fukuoka Tower Co., Ltd.[d]
Архитектор	Nikken Sekkei[d]
Рәсми асылыу датаһы	март 1989
Нимә менән тоташа	Jigyō-momochi Street[d] һәм Momochi 1st Pedestrian Path[d]
Бейеклеге/буйы	234 метр
Рәсми сайт	fukuokatower.co.jp
Асылған күренеш	Port of Hakata[d], Hakata Bay[d], Noko Island[d], Shika Island[d], Umi no Nakamichi[d], Island City[d], Kashii-hama Futō[d], Hakozaki Futō[d], Higashihama[d], Okihamamachi[d], Chikkō-honmachi[d], Hakata Port Tower[d], Nanotsu[d], Aratsu[d] һәм Atago[d]
Ҡулланыу статусы	ҡулланыла[d]
Был объекттан күренештәр категорияһы	Category:Views from Fukuoka Tower[d]
Фукуока башняһы Викимилектә

Тасуирлама

Сисайдо Момотэ яры буйы урамының өлөшө булып тора, Фукуокнаы ҡала итеп иғлан итеүҙең йөҙ йыллығы уңайынан 1989 йылда Азия-Тымыҡ океан күргәҙмәһе өсөн майҙансыҡ булараҡ төҙөлгән. Башня янында, Хакат ҡултығы яры буйында яһалма пляж һуҙылған, ә уның буйында парк Момотихама урынлашҡан.

Фукуока башняһы биш ҡаттан тора. Беренсе ҡатында магазиндар, икенсе ҡатта — төрлө маҡсат өсөн зал, ә өсөнсө ҡаттан бишенсе ҡатҡа тиклем — өс күҙәтеү майҙансығы урынлашҡан: беренсеһе — 116 м бейеклектә, икенсеһе — 120 м бейеклектә ресторан, өсөнсө — ер өҫтөнән 123 метр. Күҙәтеү майҙансыҡтарынан килеүселәр Фукуока ҡалаһының түңәрәк панорамаһын һәм Хакат ҡултығын күрә ала, ә аяҙ көндә Дадзайфу ҡалаһына тиклем бөтә юлды күрергә мөмкин.

Бөтә йыл дауамында төрлө яҡтыртыу шоуҙар үткәрелә, улар араһында тематик һәм байрамдарға тап килтерелгәндәре, мәҫәлән, Раштыуа һәм Танабат.

Бина өсмөйөш форманан ғибәрәт, ә өҫкө йөҙөн 8 000 ярым көҙгөләр ҡаплай. Шуға күрә Фукуока башняһы рәсми булмаған «Көҙгөлө елкән» исемен алған. Ер аҫты өлөшөнөң ауырлығы — 25 000 тонна, ер өҫтөндәге өлөшө өсөн был күрһәткес 3500 тонна тәшкил итә.

Проект буйынса башня рихтер шкалаһы буйынса 7 баллға тиклем ер тетрәүҙе һәм 65м/сек тиҙлектәге елде күтәрә. Был районда теркәлгән иң көслө ер тетрәү 6 балл, ә иң көслө ел 49 м/с. тиҙлектә булған.