Өфө дәүләт нефть техник университеты

Өфө дәүләт нефть техник университеты — Башҡортостандың баш ҡалаһы Өфөлә урынлашҡан юғары техник уҡыу йорто.

Өфө дәүләт нефть техник университеты (1990) (УГНТУ)
Өфө дәүләт нефть техник университеты (төп корпусы)
Исеме	Өфө дәүләт нефть техник университеты
Халыҡ-ара исеме	Ufa State Petroleum Technological University (USPTU)
Элекке исеме	Өфө нефть институты (1948—1990)
Асылған йылы	1948
Ректор	Бәхтизин Рәмил Нәзиф улы
Студенттар	17 000
Сит ил студенттары	500
Докторҙар	129
Уҡытыусылар	1000-дән артыҡ
Урынлашыуы	Өфө
Юридик адресы	Өфө, Космонавтар урамы, 1
Сайт	http://www.rusoil.net

Ҡаҙаныштары

• 2018 йылдың ноябрендә Рәсәй Федерацияһы Президенты Владимир Путин Өфө дәүләт нефть техник университетына Рәхмәт белдерҙе.
• Университет ғалимдарының тикшеренеүҙәре 2017 йылдың 22-24 мартында Өфөлә уҙғарылған Рәсәй сәнәғәт форумының күргәҙмәһендә ҡуйылды.
• 2017 йылдың ғинуарында Башҡортостандың дүрт юғары уҡыу йорто иҫәбендә Өфө дәүләт нефть техник университеты студент берләшмәләре эшмәкәрлеген үҫтереү программаларын һайлап алыу конкурсында еңеүсе булды.
• Өфө дәүләт нефть техник университеты Рәсәйҙең Мәғариф һәм фән министрлығы үткәргән ғилми проекттар һайлап алыу конкурсы еңеүселәре иҫәбенә инде. Вуз «In situ гетероген катализаторының регенерациялау мөмкинлеге булған ациклик углеводородтарҙың сикһеҙ берләшмәләр менән өҙлөкһөҙ реакцияға инеү технологияһын булдырыу» проекты менән еңеү яуланы. 2017 йылда уны ғәмәлгә ашырыу өсөн университет ярҙам аласаҡ.

Тарихы

1941 — И. М. Губкин исемендәге Мәскәү нефть институты Черниковск ҡалаһына (хәҙерге Өфө ҡалаһының Орджоникидзе районы) эвакуациялана.

1943 — И. М. Губкин исемендәге Мәскәү нефть институты Мәскәүгә ҡайтарыла. Өфөлә филиалы асыла.

1948 — Өфө нефть институты.

1990 — институт «Өфө дәүләт нефть техник университеты» исемен ала.

2010 йылда вуз «Рәсәйҙең милли тикшеренеү университеты» статусын алыу өсөн конкурста ҡатнаша, ләкин уңышҡа өлгәшә алмай.

2016 йылда уҡыу йортона Өфө дәүләт иҡтисад һәм сервис университеты ҡушылғандан һуң, Өфө дәүләт нефть техник университеты илдең терәк вуздары исемлегенә инә.

Ректорҙар

• Сәйфуллин Мәжит Идрис улы (1949—1952)
• Клименок Борис Васильевич (1952—1954)
• Губин Виктор Евдокимович (1954—1964)
• Березин Всеволод Леонидович (1964—1970)
• Сөнәев Заһиҙулла Исхаҡ улы (1970—1976)
• Спивак Александр Иванович (1976—1994)
• Шаммазов Айрат Минһаж улы (1994—2014)
• Бәхтизин Рәмил Нәзиф улы — 2014 йылдың 19 июненән — вазифа башҡарыусы, 2015 йылдың 24 апреленән — ректор.

Факультеттар

1. Архитектура-төҙөлөш факультеты
2. Тау-нефть факультеты
3. Иҡтисад институты
4. Торба үткәргес транспорты факультеты
5. Технология факультеты
6. Сәнәғәт процесстарын автоматлаштырыу факультеты
7. Механика факультеты
8. Ситтән тороп уҡыу факультеты
9. Гуманитар факультет

Тамамлаусылар

Өфө дәүләт нефть техник университетын тамамлаусылар категорияһын ҡарағыҙ.
Унда инмәгәндәр түбәндә яҙылған.

• Хәбибуллин Равмер Хәсән улы — 1987—1990 йылдарҙа КПСС-тың Башҡортостан өлкә комитетының беренсе секретары.
• Мөхәмәтшин Фәрит Хәйрулла улы — Татарстан Дәүләт Шураһы спикеры.
• Сабиров Мөхәммәт Ғәлләм улы — Татарстан Республикаһының беренсе Премьер-министры
• Кобылкин Дмитрий Николаевич -Ямал-Ненец автономиялы округы Губенаторы.
• Ананенков Александр Георгиевич — Газпром йәмғиәтенең идаралыҡ рәйесе урынбаҫары.
• Сафин Рәлиф Рәфил улы — Рәсәй эшҡыуары.
• Богданчиков Сергей Михайлович — «Роснефть» Асыҡ акционерҙар йәмғиәте Президенты (1998—2010)
• Ғимаев Рәғиб Насретдин улы — 1981—1999 йылдарҙа Башҡорт дәүләт университеты ректоры.

Шулай уҡ ҡарағыҙ

• Рәсәй дәүләт нефть һәм газ университеты

Һылтанмалар

• Нефть техник университеты // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.