Текели Мәхмүт паша мәсете
Текели Мәхмүт паша мәсете (төр. Paşa Tekeli Mehmet Camii) — Төркиәнең Анталья ҡалаһының тарихи үҙәгендә урынлашҡан. Бөйөк вәзир Мәхмүт паша бойороғо буйынса төҙөлгән һәм уның хөрмәтенә аталған. XVIII быуатта ҡаланың төп мәсете була.
| Текели Мәхмүт паша мәсете | |
 | |
| Дәүләт |
 Төркиә |
|---|---|
| Административ-территориаль берәмек | Анталиә |
 | |
 Текели Мәхмүт паша мәсете Викимилектә | |
Тарихсылар һәм археологтарҙың фараздары буйынса, мәсет XVI быуат аҙағында — XVII быуат башында төҙөлгән, төҙөү датаһы һәм архитекторы тураһында аныҡ мәғлүмәт юҡ. 1850-се һәм 1940-сы йылдарҙа мәсет реконструкциялауға дусар була. Шулай уҡ 2018 йылда манараһын һәм көмбәҙенең көнбайыш өлөшөн реконструкциялау башлана, 2020 йылда уны тамамлау планлаштырыла[1].
Архитектураһы
үҙгәртергәМәсет күп көмбәҙле конструкция рәүешендә эшләнгән — уның төп көмбәҙен көнсығыш, көньяҡ һәм көнбайыш яҡтарҙан өс ярымкөмбәҙ, төньяҡтан — өс кесе көмбәҙ тотоп тора. Мәсеттең төньяҡ-көнбайыш мөйөшөндә манара стенаға йәнәшә урынлашҡан[2].
Ҡапҡаларҙың һәм тәҙрә уйымдарының ҡабырға өлөшө шымартылған мәрмәр менән биҙәлгән, ул шулай уҡ мәсеттең эске биҙәлешендә лә ҡулланыла. Төп инеү урыны стенаһы һәм тәҙрә фронтондары юнылған таштан, ә ҡоролманың башҡа деталдәре — ваҡ таштарҙан эшләнгән[2]. Мәсеттең иң билдәле өлөшө булып мәсеттең төньяҡ фасадындағы һәм уның эсендәге ғәрәп каллиграфияһы менән яҙылған Ҡөрьәндән шиғыр менән биҙәлгән таш кафелдәр. Төҫлө каллиграфик яҙмалар мәсет эсендә тәҙрә өҫтөндә лә һаҡланған[2].
Галерея
үҙгәртергә-
Мәсеткә ингән ер -
Мәсеттең интерьеры -
Мәсеттең төп көмбәҙе -
Манараһы
Иҫкәрмәләр
үҙгәртергә- ↑ Tekeli Mehmet Paşa Camii'nde restorasyon (төр.). Hürriyet (28 август 2018). Дата обращения: 25 ғинуар 2019.
- ↑ 2,0 2,1 2,2 Мечеть Текели Мехмет Паши — историческое наследие Анталии. TURK-IN.RU. Дата обращения: 25 ғинуар 2018.