Сәрүәрова Рима Фәйзи ҡыҙы
Сәрүәрова Рима Фәйзи ҡыҙы (рус. Сарварова Рима Файзиевна; 4 июль 1954 йыл) — медиа-менеджер, радио- һәм телевидение алып барыусыһы. Рәсәй Федерацияһының атҡаҙанған мәҙәниәт хеҙмәткәре (2005), Башҡортостан Республикаһының атҡаҙанған мәҙәниәт хеҙмәткәре (1994). Рәсәй журналистары союзы ағзаһы (1989). Башҡортостан журналистары союзы ағзаһы[1]. Шәһит Хоҙайбирҙин исемендәге премия лауреаты.
| Сәрүәрова Рима Фәйзи ҡыҙы | |
| Зат | ҡатын-ҡыҙ |
|---|---|
| Гражданлыҡ |
 Башҡорт АССР-ы СССР Рәсәй |
| Тыуған көнө | 4 июль 1954 (70 йәш) |
| Тыуған урыны | Лаяшты, Ишҡар ауыл Советы (Илеш районы), Илеш районы, Башҡорт АССР-ы, РСФСР, СССР |
| Һөнәр төрө | радиожурналист |
| Уҡыу йорто | Башҡорт дәүләт университеты |
| Маҡтаулы исемдәре һәм башҡа бүләктәре | |
Биографияһы
үҙгәртергәСәрүәрова Рима Фәйзи ҡыҙы 1954 йылдың 4 июлендә Башҡорт АССР-ының Илеш районы Лаяшты ауылында тыуа. 1976 йылда Башҡорт дәүләт университетының филология факультетын «Журналистика» һөнәре буйынса тамамлағандан һуң «Заветы Ильича» («Ильич васыяттары») гәзите хеҙмәткәре булып эшләй. 1979 йылдан башлап «Башҡортостан» дәүләт телерадиокомпанияһында эшләй: 1998 йылда — бүлек мөдире, 2001 йылдан — радиотапшырыуҙар студияһының төбәк‑ара һәм милләт‑ара программалары ижади берекмәһе етәксеһе була. 2002 йылдан алып «Башҡортостан» телерадиокомпания ДУП‑ы радиотапшырыуҙар студияһында төбәк‑ара һәм милләт‑ара программалар ижади берекмәһе етәксеһе, 2003 йылда баш белгес булып эшләй. Рәсәй Журналистар союзы ҡарамағындағы Экологик журналистар ассоциацияһының Башҡортостан бүлексәһе координаторы. «Профсоюз линияһы», «Яғыулыҡ‑энергетика комплексы. Башҡортостан потенциалы», «Экспресс‑студия», «Экология һәм беҙ» радиопроекттары авторы һәм алып барыусыһы, «Волга һәм Урал араһында» радиожурналының Башҡортостан Республикаһы буйынса мөхәррире һәм алып барыусыһы. Шәһит Хоҙайбирҙин исемендәге премия лауреаты[2].
Римма Сәрүәрова - иҡтисад, экология, социаль өлкә, милли һәм мәҙәни мөнәсәбәттәр проблемаларын сағылдырған етди аналитик программалар авторы. Рәсәй Журналистар союзының «Журналист оҫталығы өсөн» премияһы лауреаты, «Пегаз-2009» яғыулыҡ-энергетика комплексы проблемалары буйынса иң яҡшы мәҡәләгә халыҡ-ара журналистар конкурсында Гран-при яулаусы. Премия 1997 йылда «Экспресс-студия», «Экология һәм беҙ», «Волга һәм Урал араһында», «Республика иртәһе» радиотапшырыуҙар циклы өсөн тапшырыла[1]. Бер үк ваҡытта Римма Фәйзи ҡыҙына энергожурналистика академигы исеме бирелә. Республиканың яғыулыҡ-энергетика комплексы темаһына 30 йылдан ашыу ваҡытын арнай[3].
III Бөтә Рәсәй журналистарының «Рәсәй экологияһы» конкурсында «Алтын Ника» һәм I дәрәжә дипломға эйә була, Рәсәй матбуғатының күп фестивалдәрендә лауреат исемдәре ала.
Иҫкәрмәләр
үҙгәртергә- ↑ 1,0 1,1 Рима Сарварова. Музей Ш.Худайбердина. Дата обращения: 15 февраль 2024.
- ↑ Лауреаты премии им.Ш.Худайбердина 1997 года
- ↑ Радиожурналисту Римме Сарваровой в Москве вручен «Пегаз златокрылый»
Һылтанмалар
үҙгәртергә- Сәрүәрова Рима Фәйзи ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 15 февраль 2024)