Салауат урындары

Был терминдың башҡа мәғәнәләре лә бар, ҡарағыҙ: Салауат (төшөнсә).

Салауат урындары — Башҡорт халҡының милли батыры Салауат Юлаевтың үҙе һәм уның исеме менән бәйле иҫтәлекле, тарихи урындар. Улар хаҡында мәғлүмәт быуындан-быуынға күсә килә.

Салауат исеме менән бәйле бер нисә топоним:

Салауат тауы —Салауат районында
Салауат һуҡмағы — Салауат районында
Салауат мәмерйәһе — Салауат районында
Салауат йылғаһы (Олойөрҙөң һул ҡушылдығы) — Салауат районында
Салауат ҡырҡтыһы —Әбйәлил районы Яңы Балабан ауылында
Салауат юлы — Белорет районы Ҡаһарман ауылында
Салауат яланы — Бөрйән районы Ысмаҡай ауылында
Салауат өңө (мәмерйәһе) —Ҡыйғы районы Йыланлы ауылында
Салауат күпере —Ҡыйғы районы Үрге Ҡыйғы ауылында, йәйғорҙы Салауат күпере тип әйтеүселәр бар.
Салауат урманы — Ырымбур өлкәһе Шырлыҡ районы Туҡай ауылында
Салауат шишмәһе — Силәбе өлкәһенең Һатҡы ҡалаһы янында
Бирге Салауат һыҙаһы, Арғы Салауат һыҙаһы, Лағыр йылғаһы (Салауат лагеры шунда булған), Прием тауы (унда Салауат отрядына һуғышсылар ҡабул иткәндәр) — Балтас районының Нөркә ауылы янында
Салауат районындағы Лағыр ауылы исеме лә шул «лагерь» һүҙҙенән һәм шул ваҡиғалар менән бәйле.

Сығанаҡ

Рәшит Шәкүр һәм Гөлдәр Нуриева йыйған материал буйынса